ကရင်နီ(ကယား)ပြည်နယ် ဖရူဆိုမြို့ရဲစခန်း၌ တပ်စွဲထားသည့် စစ်ကောင်စီတပ်များကို ကရင်နီဒေသ ကာကွယ် ရေးပူးပေါင်းတပ်ဖွဲ့က ပူးပေါင်းတိုက်ခိုက်ခဲ့ရာ စစ်ကောင်စီတပ်မှ ရှစ်ဦးထက်မနည်း သေဆုံးခဲ့ကြောင်း ဖရူဆိုမြို့နယ် ပြည်သူ့ကာကွယ်ရေးတပ်ဖွဲ့(PDF)က သတင်းထုတ်ပြန်သည်။
ယနေ့(မတ်လ ၃၀) မွန်းလွဲ ၂နာရီခွဲမှစ၍ ရဲစခန်းအတွင်းရှိ စစ်ကောင်စီတပ်များကို တိုက်ခိုက်ခဲ့ရာ ၁နာရီခန့်ကြာမြင့်ခဲ့သည်ဟု ဆိုသည်။
အဆိုပါ စစ်ကောင်စီတပ်များကို တိုက်ခိုက်ရန် ဖရူဆို PDF၊ ဒီးမော့ဆို PDF၊ အလယ်ပိုင်းတိုင်း(၁၁၀၁)နည်းပညာလက်ရုံးတပ် CTUနှင့် ကရင်နီအမျိုးသားများ ကာကွယ်ရေးတပ်(KNDF) တပ်များ ပူးပေါင်း၍ ဗျူဟာရေးဆွဲခဲ့ခြင်းဖြစ်သည်ဟု ဖော်ပြထားသည်။
ယင်းတိုက်ပွဲတွင် စစ်ကောင်စီတပ်မှ ရှစ်ဦးထက်မနည်းသေဆုံးပြီး အများအပြားဒဏ်ရာရရှိခဲ့သော်လည်း ပူးပေါင်း မဟာမိတ်အဖွဲ့မှ ထိခိုက်ဒဏ်ရရှိမှုမရှိဘဲ အောင်မြင်စွာပြန်လည်ဆုတ်ခွာနိုင်ခဲ့ကြောင်း ထုတ်ပြန် သည်။