အကြမ်းဖက်စစ်ကောင်စီကို နည်းလမ်းပေါင်းစုံဖြင့် ဆန့်ကျင်ခုခံတိုက်ခိုက်သွား မည်ဖြစ်၍ ပြည်သူများက ပူးပေါင်းပါဝင်ကူညီပေးကြရန် ထားဝယ်မြို့နယ် ပြည်သူ့အုပ်ချုပ်ရေးအဖွဲ့က ယနေ့ မေတ္တာရပ်ခံထုတ်ပြန်သည်။
ပြည်သူလူထု၏ အခက်အခဲများနှင့် လိုအပ်ချက်များကို နားလည်သော်လည်း အကြမ်းဖက် စစ်ကောင်စီက ပြည်သူလူထုအပေါ် ခုတုံးလုပ် အကာအကွယ်ယူ တိုက်ခိုက်နေမှုများအား ကာကွယ်နိုင်ရန်ဖြစ်ကြောင်း ထုတ်ပြန်ချက်၌ ဖော်ပြသည်။
ပြည်သူများအနေဖြင့် နေ့စဉ်နှင့်အမျှ သွားလာလှုပ်ရှားရာတွင် အကြမ်းဖက် စစ်အုပ်စုများနှင့် ဝေးရာ ရှောင်ကွင်းသွားလာကြရန်နှင့် ညမထွက်ရအချိန် များတွင် သွားလာခြင်း၊ အကြမ်းဖက် စစ်အုပ်စုများ စခန်းချရာ နေရာများအနီး သွားလာခြင်း၊ မလိုအပ်ပဲ ခရီးသွားလာခြင်း၊ စစ်အုပ်စုမှ ဦးဆောင်ကျင်းပသည့် ပွဲလမ်းသဘင်များ၊ အခမ်းအနားများသို့ သွားလာခြင်းများ မပြုလုပ်ကြရန် ထားဝယ်ပြည်သူ့အုပ်ချုပ်ရေးအဖွဲ့ ထုတ်ပြန်သည်။
ထို့အပြင် အာဏာသိမ်းစစ်ကောင်စီ၏ ဝင်ငွေရလမ်းများဖြစ်သည့် စီးပွားရေးလုပ်ငန်းများ၊ ထုတ်ကုန်ပစ္စည်းများအား ဝယ်ယူသုံးစွဲခြင်း၊ ဖြန့်ဖြူးရောင်းချခြင်း၊ သယ်ယူပို့ဆောင်ပေး ခြင်းများ လုံးဝမပြုလုပ်ကြရန်လည်း တိုက်တွန်းထားသည်။
Public Service Announcement
ထားဝယ်မြို့နယ်အတွင်း စစ်ကောင်စီ လက်အောက်ခံ လက်နက်ကိုင်တပ်ဖွဲ့ဝင် များ၊ ဌာနဆိုင်ရာအသီးသီးမှ Non CDM များ၊ စစ်ကောင်စီနှင့် ပူးပေါင်းလုပ်ကိုင် ဆောင်ရွက်နေသူများ အနေဖြင့် ပြည်သူလူထုနှင့်အတူ ပူးပေါင်းပါဝင် ရပ်တည်ကြရန် အလေးထားတိုက်တွန်းထား သည်။
