Connect with us

Hi, what are you looking for?

LuduNwayOo

News

ထားဝယ်-ထီးခီးလမ်းမပေါ်တွင် ဆီဘောက်ဆာကားနှစ်စီးမီးရှို့ဖျက်ဆီးခံရ

စစ်ကောင်စီက အာဏာသိမ်းပြီးနောက် လေကြောင်းတိုက်ခိုက်မူများအတွက် ပင်လယ်ရေကြောင်းသာမက နယ်စပ်လမ်းကြောင်းများကပါ လေယာဉ်ဆီကို နည်းမျိုးစုံဖြင့်တင်သွင်းနေခြင်း ဖြစ်သည်။

(မီးရှို့ဖျက်ဆီးခံရ​သောစက်သုံးဆီယာဥ်နှစ်စီး ။ဓါတ်ပုံ-CJ)

ထားဝယ်-ထီးခီးလမ်းမပေါ်တွင် ဆီဘောက်ဆာကားနှစ်စီးမီးရှို့ဖျက်ဆီးခံရသည်ဟု ​ဒေသခံများက ပြောသည်။

ယနေ့(ဧပြီ ၁ ရက်)မနက်ပိုင်းတွင် ရမ္မဇူရွာနှင့် လိမ်ကြယ်ပြောင်ရွာကြားတွင် ဆီဘောက်ဆာကားနှစ်စီးကို မီးရှို့ဖျက်ဆီးခံခဲ့ရခြင်းဖြစ်သည်ဟု မျက်မြင်သက်သေများကပြောသည်။

အဆိုပါကားနှစ်စီးသည် လေယာဉ်ဆီတင်သွင်းသည်ဟု ယူဆချက်ဖြင့် မီးရှို့ခံရခြင်းဖြစ်ပြီး ကားကိုသာ မီးရှို့ခဲ့ခြင်းဖြစ်ပြီး ယာဥ်မောင်းသမားများမှာ ထိခိုက်မရှိခဲ့ဟု ဒေသခံတစ်ဦးက ပြောသည်။ မီးရှို့ဖျက်ဆီးခံရ​သော ကားနှစ်စီးတွင် မည်သည့်စက်သုံးဆီ ပါဝင်သည်ကို People’s Spring က အတည်မပြုနိုင်​ပေ။

“နေ့လယ်လောက် ကားနှစ်စီးကို မီးလောင်နေတာမြင်လိုက်ရတယ်”ဟု ဒေသခံတစ်ဦးက ပြောသည်။

Public Service Announcement

Public Service Announcement

အဆိုပါကားနှစ်စီးသည် Aw Raကုန်သွယ်ရေးကုမ္ပဏီ အမှတ်တံဆိပ်ကို တွေ့ရပြီး LPG(ရေနံဓာတ်ငွေ့ရည်)ဟု ကားပေါ်တွင်ရေးသားထားသည်။ ကားမီးရှို့ခံရပြီး သုံးနာရီခန့်အကြာတွင် စစ်ကောင်စီတပ်သား ၂၀ ခန့်က ရမ္မဇူရွာကို ရောက်လာသည်ဟု ဒေသခံများကပြောသည်။

စစ်ကောင်စီက အာဏာသိမ်းပြီးနောက် လေကြောင်းတိုက်ခိုက်မူများအတွက် ပင်လယ်ရေကြောင်းသာမက နယ်စပ်လမ်းကြောင်းများကပါ လေယာဉ်ဆီကို နည်းမျိုးစုံဖြင့်တင်သွင်းနေခြင်း ဖြစ်သည်။

ထိုသို့ သယ်ယူရာတွင် လေယာဉ်ဆီဟု အမည်မတက်ဘဲ အခြားလောင်စာဆီအမည်တက်၍တင်သွင်းနေသည်ဟု NUG၏ စီးပွားရေးဆိုင်ရာ ထောက်လှမ်ရေးညွန်ကြားရေးမှူးရုံးက တာဝန်ရှိသူတစ်ဦးက မီဒီယာများကိုပြောကြားထားသည်။

ထားဝယ်-ထီးခီးလမ်းကြောင်းကို အသုံးပြုပြီး ထိုင်းနယ်စပ်မှ မြန်မာနိုင်ငံအတွင်းကို စစ်ကောင်စီက လေယာဉ်ဆီတင်သွင်းမည်ဟု သတင်းများကို မတ်လကုန်ပိုင်းကတည်းကထွက်ပေါ်နေခြင်းဖြစ်သည်။ ယခုမီးရှို့ခံရသည့် AwRa ကုမ္ပဏီ ဆီဘောင်ဆာကားများသည် မြဝတီအာရှလမ်းမကြီးတွင်လည်း လေယာဉ်ဆီတင်သွင်းသည်ဟုသော ယူဆချက်ဖြင့် နှစ်ကြိမ်တိုင်တိုင် မီးရှို့ဖျက်ဆီးခံခဲ့ရသည်။

ဆက်စပ်သတင်းများ

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

တိုက်ခိုက်ခံရပြီးနောက် စစ်ကောင်စီတပ်ကလည်း လက်နက်ကြီးများဖြင့်အနီးအနား ကျေးရွာများသို့ ရမ်းသန်းပစ်ခတ်ခဲ့ပြီး MI-2 ရဟတ်ယာဉ် တစ်စီးဖြင့်လည်း လေကြောင်းမှ နှစ်ကြိမ်ရမ်းသမ်းပစ်ခတ်ခဲ့သည်ဟု ထုတ်ပြန်သည်။

သတင်း

နှစ်ရက်တာတိုက်ခိုက်မှုအတွင်း စစ်ကောင်စီဘက်က ထိခိုက်သေဆုံးသူမှုများပြီး PDFရဲဘော် ၁၅ဦးခန့်လည်း မစိုးရိမ်ရ ထိခိုက်ဒဏ်ရာရရှိခဲ့ကြောင်း ဗိုလ်မိုက်ခဲက ပြောသည်။

သတင်း

မိုင်းခွဲတိုက်ခိုက်ခံရမှုကြောင့် စစ်ကောင်စီတပ်ယာဥ်သုံးစီးအနက် တစ်စီးမှာ ထိချက်မှန်ပြီး ယာဥ်ပေါ်ပါ စစ်ကောင်စီတပ်သားများ အပြင်းအထန်ဒဏ်ရာရ၍ သေဆုံးမှုလည်းရှိနိုင်ကြောင်း ထုတ်ပြန်ချက်က ဆိုသည်။