ရန်ကုန်မြို့ မြောက်ဒဂုံမြို့နယ်(၃၂)ရပ်ကွက်မှ ပျူစောထီးအဖွဲ့ဝင် ဆယ်အိမ်မှူးကို ရှင်းလင်းခဲ့ကြောင်း Spring Brothers Force က အသိပေးသည်။
ယနေ့(ဧပြီ ၂ရက်)နေ့လယ် ၁၁နာရီ မိနစ်၅၀ခန့်က ဆယ်အိမ်မှူး စန်းမင်းထွန်းကို ကျည်ခြောက်တောင့်ဖြင့် ငရဲသို့ ပို့ပေးလိုက်သည်ဟု SBFက ဆိုသည်။
“ရင်ဝ တွေကို ပစ်ခံရတာ။၁၅ မိနစ်လောက်ပဲကြာတယ်။ရဲနဲ့ စစ်သားတွေရောက်လာတယ်။ပြီးတော့ စန်းမင်းထွန်းကို ဆေးရုံကားနဲ့ခေါ်သွားတယ်”ဟု (၃၂)ရပ်ကွက်နေသူတစ်ဦးက လူထုနွေဦးသို့ ပြောသည်။
ဆန်းမင်းထွန်းသည် ပျူစောထီးတစ်ဦးဖြစ်ပြီး စစ်အာဏာသိမ်းပြီးနောက် စစ်ကောင်စီထောင်တိုင်ဖြစ်လာကာ ရပ်ကွက်အတွင်း ၎င်းဦးစီး၍ ကန်တော့ပွဲပေးသည်ကို ရပ်ကွက်နေသူများက မီဒီယာများထံဖြန့်ဝေသဖြင့် ခြိမ်းခြောက်မှုများ ပြုလုပ်ခဲ့သည်ဟု မြောက်ဒဂုံမြို့နယ်သတင်းမှန်ပြန်ကြားရေးက အတည်ပြုသည်။
Public Service Announcement
စစ်အာဏာရှင်တော်လှန်ရေးတက်ကြွ လူငယ်များကိုလည်း သတင်းပေးဖမ်းဆီးစေခြင်းအပါအဝင် ပြည်သူများစိတ်သောက ရောက်နေရသည့်အတွက် သတင်းပေးတိုင်ကြားသဖြင့် ရှင်းလင်းခဲ့ရသည်ဟုလည်း SBF က အတည်ပြုသည်။
သို့သော် ဆန်းမင်းထွန်း သေပြီဆိုသည့် သတင်းများ ထွက်ပေါ်နေသော်လည်း လူထုနွေဦးအနေဖြင့် သီးခြားအတည်မပြုနိုင်သေးပေ။
