Connect with us

Hi, what are you looking for?

LuduNwayOo

News

ရေလယ်ကျွန်း​​ဒေသ ဖြုံဘူးရွာကို စစ်​ကောင်စီတပ်စီးနင်း မီးရှို့ပြီး အမျိုးသမီးတစ်ဦးကို ပစ်သတ်သွား

အကြမ်းဖက်စစ်ကောင်စီတပ်သည် ယမန်နေ့ (ဧပြီ ၂ ရက်) ကတည်းက ရေလယ်ကျွန်းဒေသရှိ ကျေးရွာများသို့ အကြမ်းဖက်ဝင်ရောက်ဖျက်ဆီးမီးရှိူ့ခဲ့ပြီး ထွက်ပြေးတိမ်းရှောင်ခဲ့သည့် သက်ကြီးရွယ်အိုနှစ်ဦးအား ပစ်သတ်ခဲ့သည်။

(ယနေ့နံနက်ပစ်ခတ်ခံရသူ အမျိုးသမီး၊ ဓာတ်ပုံ - ဒေသခံ)

မကွေးတိုင်း၊ ရေစကြိုမြို့နယ် ရေလယ်ကျွန်းဒေသရှိ ဖြုံဘူးကျေးရွာသို့ ယနေ့နံနက်ပိုင်းက အကြမ်းဖက်စစ်ကောင်စီတပ်ဝင်ရောက် စီးနင်းဖျက်ဆီးမီးရှို့နေပြီး စစ်တပ်၏ ပစ်ခတ်မှုကြောင့် အမျိုးသမီးတစ်ဦးသေဆုံးသွားကြောင်း ဒေသခံများက ပြောသည်။

Public Service Announcement

ယနေ့(ဧပြီ ၃ ရက်) နံနက်ပိုင်းက ရေလယ်ကျွန်းဒေသရှိ ဖြုံဘူးကျေးရွာအား လက်နက်ကြီးငယ်များဖြင့် ဝင်ရောက်ပစ်ခတ်ကာ ရွာလုံးကျွတ်နီးပါး မီးရှို့ပြီးနောက် အမျိုးသမီးတစ်ဦးလည်း ပစ်သတ်ခံရခြင်းဖြစ်ကြောင်း၊ သေဆုံးသူအမျိုးသမီးမှာ ကျောက်ဖူး​ကျေးရွာတွင်နေထိုင်သူဖြစ်ပြီး ဖြုံဘူး​ကျေးရွာသို့ ခေတ္တလာရောက်စဥ် စစ်တ​ပ်၏ပစ်ခတ်ခံခဲ့ရခြင်းဖြစ်ကြောင်း ဒေသခံများက ပြောသည်။

အကြမ်းဖက်စစ်​ကောင်စီတပ်သည် ရေလယ်ကျွန်းဒေသသို့ ဧပြီ ၂ ရက်မှစတင်ကာ စစ်ကြောင်းသုံးကြောင်းဖြင့် ထိုးစစ်ဆင်လျက်ရှိကြောင်း၊ ပထမစစ်ကြောင်းသည် ဇရပ်နီ မှ ဆင်ခြေယာဘက်သို့ ဦးတည်နေကာ ဒုတိယစစ်ကြောင်းမှာ ဖြုံဖူးကျေးရွာမှ မဲကုန်းကျေးရွာသို့ လက်နက်ကြီး လက်နက်ငယ်များဖြင့်ပစ်ကာ ဝင်ရောက်နေကြောင်း၊တတိယ စစ်ကြောင်းမှာ မင်းရွာကျေးရွာ အလယ်ဘုံကျောင်းတွင် တပ်စွဲလျက်ရှိနေပြီး မိဘပြည်သူများအနေဖြင့် အကြမ်းဖက်စစ်တပ်နှင့် ဝေးရာတွင် နေကြရန် ရေစကြိုနယ်အခြေစိုက် သိန်းငှက်ပြောက်ကျားအဖွဲ့က မေတ္တာရပ်ခံ အသိပေးသည်။

အကြမ်းဖက်စစ်ကောင်စီတပ်သည် ယမန်နေ့ (ဧပြီ ၂ ရက်) ကတည်းက ရေလယ်ကျွန်းဒေသရှိ ကျေးရွာများသို့ အကြမ်းဖက်ဝင်ရောက်ဖျက်ဆီးမီးရှိူ့ခဲ့ပြီး ထွက်ပြေးတိမ်းရှောင်ခဲ့သည့် သက်ကြီးရွယ်အိုနှစ်ဦးအား ပစ်သတ်ခဲ့သည်။

Public Service Announcement

Public Service Announcement

ဆက်စပ်သတင်းများ

သတင်း

RCSSသည် စစ်ကောင်စီနှင့် ထိတွေ့ဆက်ဆံလျက်ရှိသည့် ရှမ်းတပ်ဖွဲ့ဖြစ်ပြီး စစ်တပ်အာဏာသိမ်းပြီးနောက် စစ်ကောင်စီနှင့် တိုက်ပွဲဖြစ်ပွားမှု မရှိပေ။

သတင်း

မိုးကုတ်မြို့အရှေ့ပိုင်း ကြက်ခြံနှင့် အမှိုက်ပုံနေရာအနီးတဝိုက်တွင် စစ်ကောင်စီတပ် လပခ၊ ခလရ (၇၁၊၈၈)နှင့် တအာင်းတပ်မတော် TNLA တို့ တိုက်ပွဲဖြစ်ပွားခဲ့သည်ဟု ဆိုသည်။

သတင်း

ပစ်ခတ်ခံရသူမှာ စဥ့်ကူးမြို့ ပဲလှော်ဖိုဆိုင်မှ အသက်(၆၀)ကျော်အရွယ် ဦးထွန်းမင်း(ခ)ဦးထုတ်ကြီးဆိုသူဖြစ်ပြီး သေဆုံးခြင်းရှိ၊မရှိ မသိရသေးပေ။

သတင်း

ဗီဒီယိုတွေထဲက ပုံရိပ်တွေအရ နှိပ်စက်ညှင်းပန်းမှု၊ ရိုက်နှက်မှု၊ ရှော့ရိုက်မှု၊ လိင်အကြမ်းဖက်မယ်လို့ ခြိမ်းခြောက်မှုစတဲ့ လုပ်ရပ်တွေ ကျူးလွန်နေတာ၊ အမျိုးသမီး ၂ ဦး အပါအဝင် ထိန်းသိမ်းခံရသူ ၄၈ ဦးလောက် ရှိနေတာတွေကို ဆန်းစစ် အတည်ပြုနိုင်ခဲ့တယ်လို့လည်း Fortify Rightsက ဖော်ပြသွားခဲ့ပါတယ်။