Connect with us

Hi, what are you looking for?

LuduNwayOo

News

စစ်ကောင်စီတပ်က တပ်မဟာ ၅ ထဲမှာ လေယာဉ်နဲ့ထောက်လှမ်းမှုတွေလုပ်နေ

ပြီးခဲ့တဲ့ မတ်လ ၂၅ ရက်ကလည်း မဲဝိုင်ဒေသကို လာရောက်ထောက်လှမ်းခဲ့တဲ့ စစ်ကောင်စီရဲ့လေယာဉ်သုံးစီးကို KNLA တပ်မဟာ ၅ က ပစ်ခတ်ခဲ့လို့ ရဟတ်ယာဉ်တစ်စီးထိမှန်ပြီး လေတပ်ဌာနချုပ်ကိုပြန်လည်ရောက်ရှိချိန်မှာတော့ စက်ချို့ယွင်းပျက်စီးတာတွေ ဖြစ်ခဲ့သေးတာ ဖြစ်ပါတယ်

စစ်ကောင်စီက မကြာခဏလေကြောင်းတိုက်ခိုက်နေတဲ့ ကေအဲန်ယူထိန်းချုပ်နယ်မြေ ဖာပွန်ခရိုင် တပ်မဟာ ၅ ထဲမှာ ဒီကနေ့မှာလည်း လေယာဉ်နဲ့ လာရောက်ထောက်လှမ်းမှုတွေ လုပ်ခဲ့တယ်လို့ မူတြော်သတင်းစဉ်က ထုတ်ပြန်ချက်အရ သိရပါတယ်။

ဒီကနေ့ ဧပြီ ၃ ရက် မွန်းလွဲပိုင်း ၁ နာရီခွဲအချိန်က စစ်ကောင်စီရဲ့ လေယာဉ်တစ်စီးဟာ ဖာပွန်ခရိုင် မဲဝိုင်ဒေသကို လာရောက်ထောက်လှမ်းမှုခဲ့ပြီး ညနေ ၅ နာရီကျော်မှာလည်း နောက်ထပ်တစ်ကြိမ် လာရောက်ထောက်လှမ်းခဲ့တယ်လို့ ထုတ်ပြန်ချက်မှာ ဖော်ပြထားပါတယ်။

ပြီးခဲ့တဲ့ မတ်လ ၂၅ ရက်ကလည်း မဲဝိုင်ဒေသကို လာရောက်ထောက်လှမ်းခဲ့တဲ့ စစ်ကောင်စီရဲ့လေယာဉ်သုံးစီးကို KNLA တပ်မဟာ ၅ က ပစ်ခတ်ခဲ့လို့ ရဟတ်ယာဉ်တစ်စီးထိမှန်ပြီး လေတပ်ဌာနချုပ်ကိုပြန်လည်ရောက်ရှိချိန်မှာတော့ စက်ချို့ယွင်းပျက်စီးတာတွေ ဖြစ်ခဲ့သေးတာ ဖြစ်ပါတယ်။

ဒါ့အပြင် မနေ့ ဧပြီ ၂ ရက် မွန်းလွဲပိုင်း ၁ နာရီခွဲအချိန်က စစ်ကောင်စီရဲ့လေယာဉ်နှစ်စီးဟာ ဖာပွန်မြို့လေယာဉ်ကွင်း ဆင်းသက်လာခဲ့ပြီး အဆိုပါလေယာဉ်တွေဟာ တိုင်းစစ်ဌာနချုပ်ထံ မွမ်းမံသင်တန်းပြန်လည်တက်ရောက်ဖို့ရှိတဲ့ စစ်ကောင်စီတပ်မှူး နှစ်ဦးကို လာရောက်သယ်ဆောင်တာဖြစ်တယ်လို့ တပ်မဟာ ၅ က ထုတ်ပြန်ပါတယ်။

Public Service Announcement

Public Service Announcement

ဧပြီ ၂ ရက် မနက် ၉ နာရီအချိန်ခန့်က KNLA တပ်မဟာ ၅ က ဆင်စွယ်တံတား၀မှာရှိတဲ့ စစ်ကောင်စီတပ်စခန်းကို တစ်ကြိမ်၊ ၉ နာရီကျော်အချိန်က နိုဃဲကလိုးတံတားမှာ လမ်းကင်းလုံခြုံရေးယူနေတဲ့ စစ်ကောင်စီတပ်ကို တစ်ကြိမ်၊ စီဒေးဒေသ ထီးနေခီးမှာ တစ်ကြိမ် စုစုပေါင်းသုံးကြိမ် တိုက်ခိုက်ခဲ့ရာ စစ်ကောင်စီဘက်က နှစ်ဦးသေဆုံးသွားခဲ့တယ်လို့ ထုတ်ပြန်ချက်မှာ ပါရှိပါတယ်။

ဆက်စပ်သတင်းများ

သတင်း

တိုက်ပွဲဝင် တပ်ဖွဲ့တစ်ခုဖြစ်သော ဗမာပြည်သူ့လွတ်မြောက်ရေးတပ်တော်(BPLA) ကွပ်ကဲရေးမှူး မောင်ဆောင်းခကလည်း ဖာပွန်ဒေသစစ်ရေး အခြေအနေကို ယနေ့ (မေလ ၂၃ရက်)တွင် လူမှုကွန်ရက်မှ တဆင့်အသိပေးခဲ့သည်။

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။