ကချင်ပြည်နယ် ဖားကန့်မြို့နယ် လဝါးကျေးရွာအုပ်စု လဂေါင်ကထောင်ကျေးရွာအနီး တောအတွင်းဝင်ရောက်လာသည့် စစ်ကောင်စီတပ် စစ်ကြောင်းကို ကချင်လွတ်လပ်ရေးတပ်မတော်(KIA)က ယနေ့ နေ့လယ်ပိုင်းတွင် မိုင်းဆွဲတိုက်ခိုက်ခဲ့သည်ဟု ဖားကန့်ဒေသခံ တစ်ဦးက ပြောသည်။
“ကျွန်တော်ကြားသလောက်တော့ တနိုင်းကနေ လိုင်ဇာဘက်ကို တပ်ချိန်းဖို့ အဲဒါ ဟိုတစ်နေ့က ဆင်းသွားတာ။ နှစ်ရက်ရှိပြီပေါ့။ အဲဒီဆင်းသွားပြီးမှ ရှဒူးဇွပ် (၂၉၇) တပ်ရင်းကနေပြီး ကားလေးသုံးစီး၊ ကားကြီး သုံးစီးနဲ့ ဆင်းသွားတာ ဒွန်ဘန်(၂၉၈)မှာရောက်တယ်။ အဲဒီကနေ ခြေလျင်နဲ့ တောထဲဝင်ပြီးမှ ဖြတ်သွားတာ လဝါးကျေးရွာအုပ်စု လဂေါင်ရဲ့အရှေ့ဘက်ခြမ်း တောမှာ မိုင်းဆွဲတယ်တဲ့ KIA ဘက်က”ဟု ၎င်းက ပြောသည်။
ထိုသို့ တိုက်ခိုက်မှုကြောင့် နှစ်ဖက်တပ်ဖွဲ့ဝင်များ ထိခိုက် ကျဆုံးမှု အခြေနေကို မသိရသေးကြောင်း၊ တောထဲ၌ ဖြစ်၍ ရွာသူရွာသားများ ထိခိုက်မှုမရှိကြောင်း ဒေသခံက ပြောသည်။
စစ်ကောင်စီတပ်များက ၁နာရီခန့် ပစ်ခတ်မှုများ ပြုလုပ်ခဲ့ပြီး KIA တပ်များက ခဏသာ ပစ်ခတ်ပြီး ပြန်လည်ဆုတ်ခွာသွားသည်ဟု သိရကြောင်း ၎င်းက ဆိုသည်။
Public Service Announcement
KIAနှင့် စစ်ကောင်စီတပ်တို့သည် ယမန်နေ့ကလည်း ရှမ်းပြည်နယ်မြောက်ပိုင်း မုံးဘော်ဒေသ၌ တိုက်ပွဲများ ဖြစ်ပွားခဲ့သည်။
