ဒေသတွင်းမိတ်ဖက်နိုင်ငံများနှင့်ပူးပေါင်းကာ မြန်မာ့နွေဦးတော်လှန်ရေးကူညီနိုင်မည့် နည်းလမ်းများကို အမေရိကန်နှင့် NUGဆွေးနွေး

အမေရိကန်အစိုးရက ဒေသတွင်းမိတ်ဖက်နိုင်ငံများနှင့်ပူးပေါင်းကာ မြန်မာ့နွေဦးတော်လှန်ရေးအတွက် ကူညီနိုင်မည့် နည်းလမ်းများကို အမျိုးသားညီညွတ်ရေးအစိုးရ (NUG)ကိုယ်စားလှယ်များနှင့်ဆွေးနွေးခဲ့ကြောင်း သိရသည်။

အမေရိကန်အစိုးရ၏ အမျိုးသားလုံခြုံရေးကောင်စီ၊ အရှေ့အာရှဒေသဆိုင်ရာ အဆင့်မြင့်ဒါရိုက်တာ မစ္စတာအက်ဂိတ်ကာဗန်နှင့် NUG ကိုယ်စားလှယ်အဖွဲ့သည် အိမ်ဖြူတော်၌ တွေ့ဆုံခဲ့ရာ ယင်းသို့ ဆွေးနွေးခဲ့သည်ဟု လူ့အခွင့်အရေးဆိုင်ရာဝန်ကြီး ဦးအောင်မျိုးမင်းက ပြော သည်။

လူ့အခွင့်အရေးဆိုင်ရာဝန်ကြီး ဦးအောင်မျိုးမင်း ဦးဆောင်သော ကိုယ်စားလှယ်အဖွဲ့သည် အမေရိကန်အစိုးရတာဝန်ရှိသူများ၊ လွှတ်တော်အမတ်များနှင့်တွေ့ဆုံကာ စစ်အာဏာသိမ်းပြီးနောက် ပိုင်း ကြုံတွေ့နေရသည့် မြန်မာ့အကျပ်အတည်း ကူညီဖြေရှင်းရေးအတွက် ဆွေးနွေးမည်ဟု သိရသည်။

NUG ကိုယ်စားလှယ်အဖွဲ့ အမေရိကန်သို့ ရောက်ရှိချိန်နှင့်တိုက်ဆိုင်စွာ အောက်လွှတ်တော်က အာဏာသိမ်းစစ်တပ်ကို ပိုမိုထိရောက်စွာအရေးယူနိုင်မည့် BURMA Act ဥပဒေကြမ်းကို အတည်ပြုဆုံးဖြတ်ကြောင်း ကြေညာခဲ့သည်။

Public Service Announcement