ရန်ကုန်တွင် လျှပ်စစ်မီးပြတ်တောက်နေ
ရန်ကုန်မြို့ မြောက်ဒဂုံနှင့်အရှေ့ဒဂုံမြို့နယ်တို့တွင် ငါးကြိမ်ထက်မနည်း ပေါက်ကွဲမှုများဖြစ်ပွားပြီးနောက် ပစ်ခတ်မှုများလည်းရှိခဲ့သည်ဟု ဒေသခံများက People’s Springသို့ ပြောသည်။
ယနေ့(ဧပြီ ၁၁ရက်) ည ၇နာရီ ၁၀မိနစ်ကစ၍ မြောက်ဒဂုံနှင့် အရှေ့ဒဂုံမြို့နယ် အစပ် ပြည် ထောင်စုလမ်းမပေါ်၌ ပေါက်ကွဲမှုများဖြစ်ခဲ့သည်ဟု ဆိုသည်။
” ၇/၈ လမ်းဆုံနားမှာ စခ ကားနှစ်စီး ပိတ်ထားတယ်။ပြီးတော့ မဝတလမ်းဆုံးကို ဘယ်ရီဂိတ်တွေတားပြီးတော့ ပေးမသွားတော့ဘူး”ဟု မျက်မြင်တွေ့ရှိခဲ့သည် ဒေသခံတစ်ဦးက ပြောသည်။
Public Service Announcement
အလားတူ ယနေ့ည ၈နာရီ ခွဲခန့်နှင့် ၉ နာရီ ၁၀မိနစ်ခန့်တွင်လည်း ပစ်ခတ်မှု ငါးကြိမ်ခန့် ကြားရသည်ဟုလည်း ၇/၈လမ်းဆုံအနီး နေထိုင်သူတစ်ဦးက ဆိုသည်။
ယနေ့ညတွင် မြောက်ဒဂုံနှင့် အရှေ့ဒဂုံမြို့နယ်များအပြင် ရန်ကုန်တစ်မြို့ လုံးနီးပါး လျှပ်စစ်မီးများ ပြတ်တောက်နေသည်။
မတ်လနောက်ဆုံးပတ်က မြောက်ဒဂုံမြို့နယ်ရှိ Denko ဆီဆိုင်နှင့် ၇/၈လမ်းဆုံအနီး ပြည် ထောင်စုလမ်းမပေါ်ရှိ KBZ ဘဏ်နှင့်ကပ်လျက် ATM စက်ကို ဖောက်ခွဲတိုက်ခိုက်မှုရှိထားသည်။
