▪️လက်နက်ခဲယမ်းများသိမ်းဆည်းရရှိဟု KNDF ထုတ်ပြန်
ကရင်နီ(ကယား)ပြည်နယ်၊ ဖရူဆိုမြို့နယ်တွင် အကြမ်းဖက်စစ်ကောင်စီကို ကြားဖြတ်တိုက်ခိုက်ရာ စစ်ကောင်စီတပ်သား ရှစ်ဦးသေဆုံးပြီး လက်နက်ခဲယမ်းအချို့သိမ်းဆည်းရမိကြောင်း ကရင်နီအမျိုးသားများကာကွယ်ရေးတပ် (KNDF)တပ်ရင်း-၁၅ က ယနေ့(ဧပြီ ၁၃ရက်) ထုတ်ပြန် သည်။
တိုက်ပွဲဖြစ်စဥ်မှာ ယမန်နေ့(ဧပြီ ၁၂ ရက်) ညနေ ၄နာရီခန့်တွင် မာခရော်ရှေ့ကျေးရွာနှင့်လောကျေခူရွာသစ်ကျေးရွာကြားတွင် တံတားပြုပြင်ရန် စစ်ကြောင်းထိုးလားသော လေ့ကျင့်ရေးအမှတ် (၁၄)တပ်မှ အကြမ်းဖက်စစ်ကောင်စီတပ်ကို တိုက်ခိုက်ခဲ့ခြင်းဟု ဆိုသည်။
“အကြမ်းဖက်စကစဖက်၏ အိမ်စီး ကားသေးတစ်စီး၊ဘက်ဖိုးသယ်လာသောဆယ်ဘီး ဒါဘာကားကြီးတစ်စီးနှင့်အတူ ဘက်ဖိုးကားတစ်စီး ဖျက်ဆီးနိုင်ခဲ့ပြီး MA2တစ်လက်နှင့်ခဲယမ်းအချို့သိမ်းဆည်းရမိခဲ့သည်”ဟု KNDF တပ်ရင်း-၁၅က ဖော်ပြသည်။
Public Service Announcement
ထို့အပြင် အကြမ်းဖက်စစ်ကောင်စီဘက်မှ ရှစ်ဦး သေဆုံးပြီး ပြင်းထန်ဒဏ်ရာ တစ်ချို့ရရှိခဲ့ကြောင်း အသိပေးသည်။
တိုက်ပွဲအတွင်း KNDF တပ်ဖွဲ့မှ ထိခိုက်ဒဏ်ရာမရရှိခဲ့သော်လည်း မဟာမိတ်တပ်ဖွဲ့ဖက်မှ မစိုးရိမ်ရသော ထိခိုက်ဒဏ်ရာတစ်ဦးရရှိခဲ့ကြောင်း ထုတ်ပြန်ချက်၌ ဖော်ပြသည်။
ဧပြီပထမအပတ်အတွင်း အကြမ်းဖက်စစ်ကောင်စီတပ်များသည် ဒီးမော့ဆို – ဖရူဆို ကားလမ်းမတစ်လျှောက် အပြင်းအထန်ထိုးစစ်ဆင်လျက်ရှိပြီး ဖရူဆိုနှင့်ဘောလခဲမြို့နယ်များသို့ တပ်အင်အားနှင့် ရိက္ခာများ ပို့ဆောင်ရန် ကြိုစားနေသည်ဟု KNDF က ထုတ်ပြန်ထားသည်။
