▪️လက်နက်ခဲယမ်းအတွက် ထောက်ပံ့ပေးရန် ပြည်သူ့ကာကွယ်ရေးရဲဘော်များ တောင်းဆို
ဒီမောဆိုမြို့နယ်အတွင်း တိုက်ပွဲတွင် စစ်ကောင်စီတပ်အထိနာသလို သုံးရက်အတွင်း ကရင်နီအမျိုးသားများကာကွယ်ရေးတပ်(KNDF)တပ်ရင်း -၂မှ ရဲဘော်လေးဦး ကျဆုံးခဲ့ရသည်။
ဒီမောဆိုမြို့နယ် ဥခူရီကျေးရွာကို အကြမ်းဖက်စစ်ကောင်စီတပ်က စစ်ကြောင်းထိုးနေ၍ KNDFအပါအဝင် ပြည်သူ့ကာကွယ်ရေးအဖွဲ့များက ခုခံတိုက်ခိုက်နေစဥ် ဧပြီ ၁၁ရက်တိုက်ပွဲတွင် KNDF တပ်ရင်း (၂)မှ ရဲဘော်သုံးဦး၊ ဧပြီ ၁၃ရက် တိုက်ပွဲတွင် တစ်ဦးထပ်မံကျဆုံးခဲ့သည်ဟု KNDFက ထုတ်ပြန်ထားသည်။
စစ်ကောင်စီက အင်အားအများအပြားတိုးချဲ့ပြီး ထိုးစစ်ဆင်နေချိန်တွင် ပြည်သူ့ကာကွယ်ရေးတပ်များအတွက် လက်နက်ခဲယမ်း အရေးတကြီးလိုအပ်နေသည်ဟု တိုက်ပွဲဝင်နေသည့် ရဲဘော်များက ပြောသည်။
Public Service Announcement
“ကျွန်တော်တို့မှာ လက်နက်ခဲယမ်းလိုအပ်နေတယ်။ အခက်အခဲတွေကို ရတဲ့နည်းနဲ့ ကျော်ဖြတ်ပြီး တိုက်ပွဲဝင်နေကြပါတယ်။ အားလုံးဝိုင်းကူပေးဖို့ ကျွန်တော်တို့ မျှော်လင့်နေတယ်”ဟု KNDF ရဲဘော်တစ်ဦးကပြောသည်။
ဧပြီ ၁၃ရက်က ကျဆုံးသူမှာ ရဲဘော်ငြိမ်းရန်အေးဖြစ် သည်။
“ဆုံးရှုံးမှုအတွက် ဖော်ပြစရာ စကားလုံးမရှိတော့ပါဘူး သူငယ်ချင်း “ငြိမ်း” ရေ။ အတူအောင်ပွဲခံဖို့ ကတိတွေပေးကြခါမှ ထွက်သွားနှင့်တဲ့ နင့်အတွက် ငါတို့တွေ ပူဆွေးဝမ်းနည်းပြီး ဒေါသစိတ်တွေနဲ့ ကျန်နေခဲ့ရပါတယ်။ အတူရှိခဲ့ဖူးတဲ့ အမှတ်တရတွေကတော့ ရှင်သန်နေဦးမှာပါ။သူရဲကောင်း ရဲဘော်ငြိမ်းရန်အေး ဘုရားသခင်ရဲ့ ရင်ခွင်တော်မှာ အနားယူပါ။ အလေးနီပြုပါတယ်”ဟု KNDF ဖယ်ခုံဇုန်က ထုတ်ပြန်ထားသည်။
ဧပြီ ၁၁ရက် တိုက်ပွဲတွင် KNDFမှ ရဲဘော် မောင်ဦးရယ်၊ မောင်အလက်ဇန်းဒါး နှင့် မောင်ကောင်းမြတ်တို့ ကျဆုံးခဲ့ခြင်းဖြစ်သည်။ ရဲဘော်တစ်ဦးမှာ ၎င်းမကျဆုံးမီ ရက်အနည်းငယ်က ရေးထားခဲ့သည့် စာတစ်စောင်ကိုလည်း KNDF က ထုတ်ပြန်ပေးထားသည်။
“ကောင်မလေးမရှိလို့ ဝမ်းနည်းမနေနဲ့ ပြည်သူ့အချစ်တွေရှိတယ် Fighting.”ဟု ရေးသားထားသည်။
ကရင်နီပြည််နယ်နေရာအများအပြားကို စစ်ကောင်စီက ယနေ့(ဧပြီ ၁၅ရက်)အထိ ထိုးစစ်ဆင်နေဆဲဖြစ်သည်။
KNDF၊ PDFနှင့် မဟာမိတ်များကလည်း ခုခံတိုက်ခိုက်နေသည်။ ပြည်သူ့တော်လှန်ရေးအဖွဲ့များကလည်း လက်နက်ခဲယမ်းဖိုးအလှူငွေရအောင် နည်းမျိုးစုံကြိုးစားနေကြသည်။
“ကျနော်တို့ သတင်းကောင်းတွေကြားချင်တယ် မဟုတ်လားဗျာ ရဲဘော်တွေလက်ထဲလဲ သေနတ်အစစ် ထည့်ပေးချင်နေပါပြီ ။ ငှက်ကင်ဖို့လဲ လိုအပ်သလို “ဂန်း”ဆင်ဖို့လဲ အရေးကြီးတာကြောင့် ၅ လက်ပြည့်အောင် ဝိုင်းတွန်းပေးကြပါဦးခင်ဗျာ” ဟု ကရင်နီပြည်နယ်အတွက် မောင်းပြန်ရိုင်ဖယ်လှုုနိုင်ရေး ရံပုံတွေရှာဖွေနေသည့် FundraisingByYTUSU page က ထုတ်ပြန်ထားသည်။လှုုဒါန်းမည့်သူများသည်အောက်ပါ Link https://www.facebook.com/FundraisingByYTUSU/ သို့ ဆက်သွယ်နိုင်ပါသည်။
