မွန်ပြည်နယ် ကျိုက်မရောမြို့နယ် ချောင်းနှစ်ခွတံတားရဲကင်းမှာ လုံခြုံရေးယူနေတဲ့ နယ်ခြားစောင့်တပ် BGF ဂိတ်စခန်းပစ်ခတ်ခံခဲ့ရပြီး BGF တပ်ဖွဲ့ဝင် ငါးဦး သေဆုံးသွားခဲ့တယ်လို့ ဒေသခံတွေဆီကနေ သိရပါတယ်။
ဒီကနေ့ မနက်အစောပိုင်းက ချောင်းနှစ်ခွ(အတ္ထရံတံတား)မှာ လက်နက်ကိုင်အဖွဲ့တစ်ဖွဲ့က တံတားမှာရှိတဲ့ ဂိတ်စခန်းကို လာရောက်ပစ်ခတ်တိုက်ခိုက်ခဲ့တာပါ။
အဲဒီတိုက်ခိုက်မှုကြောင့် BGF တပ်ဖွဲ့ဝင် ငါးဦးသေဆုံးသွားခဲ့ကာ လက်နက်အချို့ကို သိမ်းဆည်းရမိသွားတယ်လို့ ဒေသခံတွေက ပြောပါတယ်။
လက်ရှိမှာတော့ ချောင်းနှစ်ခွတံတားကို စစ်ကောင်စီက ပိတ်ထားလျက်ရှိနေတယ်လို့ သိရပါတယ်။
Public Service Announcement
ချောင်းနှစ်ခွတံတားဟာ ပြီးခဲ့တဲ့ မတ်လပိုင်းကလည်း လက်နက်ကိုင်အဖွဲ့တစ်ဖွဲ့က တံတားရဲကင်းဂိတ်ကို လာရောက်ပစ်ခတ်တိုက်ခိုက်ခဲ့သေးတာဖြစ်ပြီး ရဲတပ်ဖွဲ့ဝင်တစ်ဦးသေဆုံးသွားခဲ့ကာ တစ်ဦးထိခိုက်ဒဏ်ရာရရှိခဲ့သေးတာ ဖြစ်ပါတယ်။
