အာဏာသိမ်းစစ်ကောင်စီပိုင် မြန်မာ့စီးပွားရေးကော်ပရေးရှင်း(MEC)ပိုင် မြိုင်ကလေး ဘိလပ်မြေ စက်ရုံအမှတ် (၂ ) ယနေ့၊ သင်္ကြန်အတက်နေ့တွင် မိုင်းဖောက်ခွဲခံရကြောင်း ဒေသခံများ ကပြောသည်။
စစ်တပ်ပိုင် အဆိုပါ ဘိလပ်မြေစက်ရုံ၏ အဓိက ရေစက်ကို မိုင်းခွဲတိုက်ခိုက်ခဲ့ခြင်းဖြစ်ပြီး လူထိခိုက်မူမရှိကြောင်းလည်း ဒေသခံများထံမှသိရသည်။
“ကျောက်မိုင်းခွဲတာလို့ ထင်တာ နောက်မှ စက်ရုံထဲ PDFတွေဝင်ပြီး မိုင်းခွဲသွားမှန်းသိတာ”ဟု ဒေသခံတစ်ဦးကပြောသည်။
အဆိုပါဖောက်ခွဲမူကို ယနေ့ မနက် ၁၁ နာရီခန့်က သွားရောက်ဖောက်ခွဲခြင်းဖြစ်ပြီး သွားရောက်ဖောက်ခွဲခဲ့သော လူငယ်များလည်း ဘေးကင်းရာရောက်ရှိနေပြီဖြစ်ကြောင်း ၎င်းတို့နှင့်နီးစပ်သူတစ်ဦးကပြောသည်။
Public Service Announcement
စစ်တပ်ပိုင် မြိုင်ကလေး ဘိလပ်မြေစက်ရုံတွင် အမှတ် ၁ စက်ရုံနှင့် အမှတ် ၂ စက်ရုံဟု ရှိသည်။အမှတ် ၁ စက်ရုံသည် တနေ့လျှင် တန် ၉၀၀ နှင့် အမှတ် ၂ သည် တန် ၄၀၀၀ ထုတ်လုပ်နိုင်သည့် ဘိလပ်မြေစက်ရုံများဖြစ်သည်။
