ကရင်နီ(ကယား)ပြည်နယ် ဖရူဆိုမြို့နယ်အတွင်း စစ်ကြောင်းထိုးလာသည့် အကြမ်းဖက်စစ်ကောင်စီတပ်များကို ကရင်နီပူးပေါင်းတပ်များမှ မိုင်းဆွဲတိုက်ခိုက်ခဲ့ရာ စစ်ကော်စီတပ်မှ လေးဦးသေဆုံးပြီး သုံးဦးဒဏ်ရာ ပြင်းထန်ခဲ့သည်ဟု ကရင်နီအမျိုးသားများကာကွယ်ရေးတပ်(KNDF)က ထုတ်ပြန်သည်။
ဧပြီ ၁၄ ရက်က ဖရူဆိုမြို့နယ် ထားလဲနှင့် နန်းဖဲကျေးရွာ အကြားတွင် စစ်ကြောင်းထိုးလာသော အကြမ်းဖက်စစ်ကောင်စီတပ်များကို တိုက်ခိုက်ခဲ့ရာ အကြမ်းဖက်စစ်ကောင်စီ တပ်မ (၆၆) ၊ခမရ (၁၀၈)တပ်ရင်း၊ တပ်ရင်းမှူး ၀င်းထိုက်စိုးနှင့်အပါအ၀င် တပ်စိတ်တစ်စိတ်ခန့် မိုင်းထိမှန်ခဲ့သည်ဟု ဆိုသည်။
ယင်းဖြစ်စဉ်တွင် စစ်ကောင်စီတပ်က လေးဦး သေဆုံးခဲ့ပြီး တပ်ရင်း (၁၀၈) တပ်ရင်းမှူး၀င်းထိုက်စိုးမှာ ပြင်းထန်စွာ ဒဏ်ရာရရှိပြီး လွိုင်ကော်မြို့ စစ်ဆေးရုံးတွင် ဆေးကုသမှု ခံယူနေကြာင်းနှင့် ဒဏ်ရာပြင်းထန်သဖြင့် သေဆုံးနိုင်ခြေများကြောင်း ဖော်ပြထားသည်။
အဆိုပါ ပြောက်ကျား တိုက်ခိုက်မှုအတွင်း ကရင်နီပူးပေါင်းတပ်မှ ကျည်ဆံများ သိမ်းဆည်းရမိခဲ့သည်ဟုဆိုသည်။
Public Service Announcement
