မိုးရွာ၍ မိုင်းများထကွဲနိုင်သဖြင့် မုံရွာ-အမြင့်လမ်းအား ပြည်သူများဖြတ်သန်းသွားလာခြင်းမပြုရန် ဒေသတွင်းပြည်သူ့ကာကွယ်ရေးအဖွဲ့များက သတိပေးကြေညာသည်။
စစ်ကိုင်းတိုင်း၊ မုံရွာမြို့နယ်၊ မုံရွာ-အမြင့်လမ်းပိုင်းအား ယနေ့၂၀၂၂ ခုနှစ်၊ ဧပြီလ ၁၈ရက်နေ့ညနေ၆နာရီမှ စတင်၍ အရေးပေါ်အခြေအနေကြောင့် မိုင်းများမိုးရွာ၍ ထကွဲခြင်းများဖြစ်နိုင်ပါသဖြင့် မည်သူတစ်ဦးတစ်ယောက်မျှ ဖြတ်သန်းသွားလာခြင်းမပြုလုပ်ကြရန်နှင့် အရေးပေါ်ကိစ္စရှိမှသာလျှင် မုံရွာ-အမြင့်လမ်းအား အသုံးပြုကြပါရန် ဒေသတွင်း ပြည်သူ့ကာကွယ်ရေးအဖွဲ့များက ယနေ့ညနေပိုင်းတွင် သတိပေးသည်။
အဆိုပါသတိပေးချက်အား ညီနောင်မဟာမိတ်များဖြစ်သည့် Monywa Lightning PDF.၊Monywa Peregrine PDF ၊Black Wolf Defence force၊Chaung U Local Defence Force ၊ ချောင်းဦးမြို့နယ် တော်လှန်ရေးတပ် Chaung U Revolution Army၊Farmers Revolution Force CHU ၊Black Eagle People’s Defence Force၊ Monywa Brave Hearts MBH ၊ Dragon Brother’s PDF နှင့်ဗန္ဓုလ-အဖွဲ့သားများ တို့မှလမ်းအသုံးပြုခွင့်ယာယီပိတ်ထားခြင်းဖြစ်ကြောင်း၊ လမ်းပြန်လည်အသုံးပြုခွင့်အား ထပ်မံကြေငြာသွားမည်ဖြစ်ကြောင်း ၎င်းတို့က အသိပေးသည်။
မုံရွာမြို့နယ်၊ မုံရွာ-အမြင့်လမ်းမပေါ်တွင် အကြမ်းဖက်စစ်ကောင်စီတပ်များ မကြာခဏတိုက်ခိုက်ခံရလေ့ရှိပြီး မိုးရွာလျှင်လည်း မိုင်းများထကွဲတတ်သည်ဆို၍ ဒေသတွင်းPDFများက သတိပေးလေ့ရှိသည်။
Public Service Announcement
