ကချင်ပြည်နယ် မြစ်ကြီးနားမြို့နှင့် မိုင်အနည်းငယ်အကွာရှိ နယ်မြေရဲစခန်းတစ်ခုကို ယမန်နေ့ညပိုင်းက ကချင်လွတ်လပ်ရေးတပ်မတော်(KIA)က ဝင်ရောက်တိုက်ခိုက်ခဲ့ကြောင်း ဒေသခံအချို့က ပြောသည်။
ဧပြီ ၂၁ရက် ည ၇နာရီကျော်တွင် မြစ်ကြီးနား – ပူတာအိုလမ်းဘေးရှိ စစ်ကောင်စီတပ်သားနှင့် ရဲများပူးတွဲနေရာယူထားသည့်နေ့ရာကို တိုက်ခိုက်ခဲ့ခြင်းဖြစ်သည်ဟုဆိုသည်။
“ပလနဘက်မှာ ရဲစခန်းတစ်ခုရှိတယ်။ ရဲစခန်းမှာဖြစ်တာပေါ့။ အဲဒီမှာ ဂိတ်တစ်ခုရှိတယ်။ ခါတိုင်းဖြတ်သွားဖြတ်လာတွေကိုလည်းသူတို့ စစ်ဆေးမေးမြန်းတာတွေလည်းရှိတာပေါ့။ အခုဖြစ်တဲ့နေရာက အဲဒီနေရာ”ဟု မြစ်ကြီးနားဒေသခံတစ်ဦးက ပြောသည်။
မြစ်ဆုံဒေသခံတစ်ဦးကလည်း “ထိခိုက်တာတော့ရှိတယ်လို့ ပြောတယ်။ အရေးပေါ် ကားတွေ သုံးစီးလောက်ထွက်တယ်လို့ ကြားတယ်”ဟု ပြောကြားသည်။
Public Service Announcement
KIAနှင့် ပြည်သူ့ကာကွယ်ရေးတပ်(PDF) တပ်များသည် ယခင်ကလည်း စစ်ကောင်စီ၏ တပ်စခန်း၊ ဂိတ်စခန်းနှင့် စစ်ကြောင်းများ တိုက်ခိုက်မှုများ မကြာခဏလုပ်ဆောင် ခဲ့သည်။
