'/%3E%3C/svg%3E){kind=small}
လေယာဉ်ဖြင့်လာရောက်ကြဲချသော အကြမ်းဖက်စစ်ကောင်စီ၏ ရိက္ခာထုပ်များအားလုံးနီးပါးကို ကရင့်အမျိုးသားလွတ်မြောက်ရေးတပ်မတော်(KNLA)က ရယူသိမ်းဆည်းနိုင်ခဲ့ကြောင်း ကေအဲန်ယူ-မူတြော် သတင်းစဉ်က ဖော်ပြသည်။
အကြမ်းဖက်စစ်ကောင်စီသည် ၎င်း၏ ရှေ့တန်းတပ်စခန်းများအတွက် ဧပြီ ၂၅ ရက် ညနေပိုင်းက လေယာဉ်ဖြင့်ရိက္ခာထုပ်များလာရောက်ကြဲချသော်လည်း KNLA တပ်မဟာ ၅ လက်အောက်ရှိ တပ်ရင်း ၁၀၂ တပ်ခွဲမှ စစ်သည်တော်များက ရယူသိမ်းဆည်းနိုင်ခဲ့သည်ဟု ထုတ်ပြန်သည်။
အကြမ်းဖက်စစ်ကောင်စီသည် မယ်ဝေ(မဲဝိုင်)အခြေစိုက်တပ်စခန်းများအတွက် ယနေ့ညနေ ၄ နာရီ ၃၀ မိနစ်ခန့်တွင် ရိက္ခာထုပ် ၅ ထုပ်၊ နောက် ၁၅ မိနစ်အကြာတွင် ရိက္ခာထုပ် ၆ ထုပ် လာ ရောက်ကြဲချခဲ့ရာ ၉ ထုပ်ကို KNLA ရရှိခဲ့ပြီး ကျန် ၂ ထုပ်ကို ရှာဖွေနေဆဲဖြစ်သည်ဟု ဆိုသည်။
ယင်းသို့ ကြဲချနေချိန်တွင် ဖာပွန်မြို့အခြေစိုက်အကြမ်းဖက်စစ်ကောင်စီတပ်က ၁၂၂-မမစိန်ပြောင်းတစ်လုံးအား မဲဝေဒေသသို့ ခြိမ်းချောက်လှမ်းပစ်ပေးခဲ့သော်လည်း ဒေသခံပြည်သူများနှင့် လူနေအိမ်ခြေများထိခိုက်ပျက်စီးမှုတစ်စုံတစ်ရာမရှိခဲ့ကြောင်း ကေအဲန်ယူ-မူတြော် သတင်းစဉ်က ထုတ်ပြန်သည်။
Public Service Announcement
