စစ်ကောင်စီတပ်သားတစ်ဦးကို လက်နက်ခဲယမ်းများနှင့်အတူ အရှင်ဖမ်းမိကြောင်း YDF အသိပေး

ယောဒေသကာကွယ်ရေးတပ်(YDF)နှင့်စစ်ကောင်စီတပ်တို့ ယမန်နေ့က တိုက်ပွဲဖြစ်ပွားခဲ့ရာ စစ်ကောင်စီတပ်မှ သေဆုံးထိခိုက်မှုများရှိနိုင်ပြီး စစ်ကောင် စီတပ်သား တစ်ဦးကို အရှင်ဖမ်းမိခဲ့သည်ဟု YDFက သတင်းထုတ်ပြန်သည်။

ဧပြီ ၂၅ရက်က မကွေးတိုင်း ဂန့်ဂေါဘက်မှ ထီးလင်းမြို့ဘက်သို့ စစ်ကြောင်းထိုးလာသည့် စစ်ကောင်စီ၏ တပ်မ (၁၁) စစ်ကြောင်းအား အကြည်ဝါးဘင်း ရွာအနီး၌ တိုက်ခိုက်ခဲ့ရာ ၄၅မိနစ်ကြာ တိုက်ပွဲဖြစ်ခဲ့သည်ဟု ဖော်ပြထားသည်။

အဆိုပါ တိုက်ပွဲ၌ စစ်ကောင်စီတပ်မှ သေဆုံးထိခိုက်မှုများရှိနိုင်ပြီး YDF ရဲဘော်များမှာ ထိခိုက်မှုမရှိဟု ဆိုသည်။

တိုက်ပွဲအတွင်း စစ်ကောင်စီတပ်မှ တပ်သား နိုင်လင်းအောင်ကို သေနတ် ၁လက်၊ ကျည်ပေါက် ၃ခု ၊နင်းမိုင်း ၁လုံး၊ လက်ပစ်ဗုံး ၁လုံး၊ RPG ဗုံးသီး ၁လုံးနှင့် ကျည်များ၊ စစ်အသုံးအဆောင်ပစ္စည်းများနှင့်အတူ ဖမ်းဆီးရမိခဲ့သည်ဟု ထုတ်ပြန်သည်။

Public Service Announcement

တိုက်ပွဲအတွင်း ဖမ်းမိသည့် စစ်သုံ့ပန်းကို စစ်သုံ့ပန်း ဥပဒေနှင့်အညီ ထိန်းသိမ်းထားသည်ဟု YDFက အသိ ပေးသည်။