စစ်အာဏာရှင်အားအမြစ်ဖြတ်ချေမှုန်းရေးအတွက် စစ်ရေးအရပူးပေါင်းဆောင်ရွက်ရန် မြန်မာ့တော်ဝင်နဂါးတပ်တော်(ရန်ကုန်)နှင့် မြန်မာ့အမျိုးသားကာကွယ်ရေးတပ်မတော်(MNDF)တို့ မဟာမိတ်အဖြစ် ပူးပေါင်းလိုက်ပြီဖြစ်သည်။
ဗိုလ်နဂါး၏ ဦးဆောင်မှုအောက်ရှိ မြန်မာ့တော်ဝင်နဂါးတပ်တော်(ရန်ကုန်)-MRDA (Yangon) နှင့် MNDF သည် ဧပြီ ၂၆ရက်တွင် မဟာမိတ်အဖြစ် ပူးပေါင်းလိုက်ခြင်းဖြစ်သည်။
စစ်ကောင်စီအား တိုက်စစ်အရှိန်မြင့်ရန် ယခုကဲ့သို့ ပူးပေါင်းခြင်းဟု မြန်မာ့တော်ဝင်နဂါးတပ်တော်(ရန်ကုန်) က သတင်းထုတ်ပြန်ထားသည်။
“စစ်အာဏာရှင်အမြစ်ဖြတ်ချေမှုန်းရေးနှင့် စစ်ရေးရည်မှန်းချက်များကို ပိုမိုအကောင်အထည်ဖော်
ဆောင်ရွက်ရန် MNDFနှင့် ပူးပေါင်းဆောင်ရွက်သွားမည် “ဟု သတင်းထုတ်ပြန်ချက်တွင် ဖော်ပြထားသည်။
Public Service Announcement
MNDFနှင့် MRDA (Yangon)သည် ရည်မှန်းချက်တူပြီး ဘုံရန်သူအား အတူတကွတိုက်ထုတ်နိုင်ရန်
မဟာမိတ်ညီနောင်များအဖြစ် ဖွဲ့စည်းခဲ့ကြောင်းနှင့်စစ်အာဏာရှင် အမြစ်ပြတ်သည် တိုက်ပွဲဝင်သွားမည် ဖြစ်ကြောင်း MNDFကလည်း ထုတ်ပြန်ထားသည်။
