Connect with us

Hi, what are you looking for?

News

ကျားတက်ရဲစခန်းသိမ်းတိုက်ပွဲ ဆားလင်းကြီး PDFတစ်ဖွဲ့တည်း ကျပ်သိန်း ၂၃၀​ကျော် အသုံးပြုခဲ့ရ

ကျားတက်မြို့ စခန်းသိမ်းတိုက်ပွဲတွင် ဆားလင်းကြီးမြို့နယ်ပြည်သူ့ကာကွယ်ရေးတပ်ဖွဲ့ (SSTF)မှ လက်နက် ကြီးအချို့ နှင့် ကျည်ပေါင်း ၃၄၂၀ ကျော်အသုံးပြုခဲ့ရကြောင်း ဆားလင်းကြီး PDFက ပြောသည်။

ပြည်သူ့ကာကွယ်​ရေးတပ်(PDF)သုံးဖွဲ့ပေါင်းကာ တိုက်ခဲ့သည့် စစ်ကိုင်းတိုင်း ဆားလင်းကြီးမြို့နယ် ကျားတက်ရဲစခန်းသိမ်းတိုက်ပွဲတွင် ဆားလင်းကြီး PDF တစ်ဖွဲ့တည်းတင် ကျပ်သိန်း ၂၃၀ကျော် အသုံးပြုခဲ့ရကြောင်း ဆားလင်းကြီး PDFမှ တာဝန်ရှိသူက ပြောသည်။

ယမန်နေ့ (ဧပြီ ၂၈ )က ဆားလင်းကြီးမြို့နယ် ကျားတက်မြို့စခန်းအား မွန်းတည့် ၁၂ နာရီမှ ညနေ ၄နာရီခွဲအထိ ၄နာရီခခဲကြာ စခန်းသိမ်းတိုက်ပွဲဆင်နွှဲခဲ့ကြောင်း၊ အကြမ်းဖက်စစ်ကောင်စီတပ်မှ ၉ ဦးသေဆုံးပြီး စခန်းအား မီးရှို့နေစဥ် ပုလဲမြို့ဘက်မှ အကြမ်းဖက်စစ်ကူများရောက်ရှိလာသောကြောင့် ဆုတ်ခွာပေးခဲ့ကြောင်း၊ စခန်းသိမ်းတိုက်ပွဲဆင်နွှဲနေစဥ်အတွင်း ပုလဲမြို့မှစစ်ကူလာသော အကြမ်းဖက်စစ်ကားများအား ပုလဲ-ကျားတက် လမ်းပေါ်တွင် လမ်းကြောင်းဖြတ်တောက်မိုင်းဆွဲတိုက်ခိုက်ခဲ့ရာ ကားများပျက်စီးသွား၍ အများအပြားထိခိုက်သွားပြီး ခြေလျင်သာ တပ်ကူလာခဲ့ကြောင်း၊ အဆိုပါစစ်ဆင်ရေးအား စစ်ကိုင်းတိုင်းအခြေစိုက် ပြည်သူ့ကာကွယ်ရေးတပ်ဖွဲ့-ဆားလင်းကြီးမြို့နယ်(SSTF)နှင့်အတူ မကွေးတိုင်းအခြေစိုက် ပြည်သူ့ကာကွယ်ရေးတပ်ဖွဲ့-ရေစကြိုမြို့နယ်နှင့် ပြည်သူ့ကာကွယ်ရေးတပ်ဖွဲ့-မြိုင်မြို့နယ်တို့ပါ ပါဝင်ပြီး ညီနောင်မဟာမိတ် ( ၃ )ဖွဲ့က ပူးပေါင်းတိုက်ခိုက်ခဲ့ခြင်းဖြစ်ကြောင်း ၎င်းအဖွဲ့များက အသိပေးသည်။

ကျားတက်မြို့ စခန်းသိမ်းတိုက်ပွဲတွင် ဆားလင်းကြီးမြို့နယ်ပြည်သူ့ကာကွယ်ရေးတပ်ဖွဲ့ (SSTF)မှ လက်နက် ကြီးအချို့ နှင့် ကျည်ပေါင်း ၃၄၂၀ ကျော်အသုံးပြုခဲ့ရကြောင်း ဆားလင်းကြီး PDFက ပြောသည်။

“လက်နက်တွေနဲ့ အရိပ်လို အမြဲတစေ ကိုင်‌ဆောင်နေတဲ့ စစ်ခွေးတွေနဲ့ တိုက်ပွဲကြာချိန် ၄နာရီခွဲလောက်အထိ ထိတွေ့တိုက်ပွဲမှာ ပါဝင်တိုက်ခိုက်ခဲ့တဲ့ ရဲဘော်တို့ရဲ့ ရဲစွမ်းသတ္တိ ၊ ဇွဲ၊လုံ့လ၊ကြိုးစားအားထုတ်မှုတွေကို တကယ် ကျွန်တော် လေးစားဂုဏ်ယူမိပါတယ်။ တိုက်ပွဲတစ်ပွဲ‌အောင်မြင်ဖို့အတွက် ကျွန်တော်တို့အသက်တွေပေးပြီးတိုက်နေရုံနဲ့မပြီးဘူးခင်ဗျ။ တိုက်ပွဲအတွက်အသုံးပြုရတဲ့ စစ်ဘက်သုံး အသုံးစရိတ်တွေကလည်း အရေးကြီးပါတယ်ခင်ဗျ။ ကျည်တစ်တောင့်ကို ခုနှစ်ထောင်နဲ့တွက်မယ်ဆိုရင် နှစ်ရာသုံးဆယ့်ကိုးသိန်းလေးသောင်းကျော် ကုန်ကျပါတယ်ခင်ဗျာ။လက်နက်ကြီးအတွက်ရောဆိုရင် ဒီနေ့ပွဲအတွက်ကတော့ – -။ ဒါကြောင့် ကျွန်တော်တို့က ပြန်ရှာလို့မရတဲ့ အသက်တွေနဲ့ တိုက်ပေးမယ်။ ခင်ဗျားလေးတို့ဘက်က ပြန်ရှာလို့ရတဲ့ ငွေနဲ့ ထောက်ပံ့ပေးကြပါအုံးခင်ဗျ။အရေးတကြီးလိုအပ်လို့ပါ ကူညီပေးကြပါအုံးဗျ။”ဟု ဆားလင်းကြီး PDF အဖွဲ့က ရေးသားထားသည်။

Public Service Announcement

Public Service Announcement

ထို့အပြင် ပါဝင်တိုက်ခိုက်ခဲ့သည့် ရေစကြိုနှင့် မြိုင် PDFများက ကျားတက်စခန်းစစ်ဆင်ရေးနှင့်ပတ်သက်၍ ၎င်းတို့၏ ကုန်ကျစရိတ်အား လက်တလောထုတ်ပြန်ခြင်းမရှိသေးပါ။

ဆက်စပ်သတင်းများ

သတင်း

တရုတ်စီမံကိန်းတွေရှိတဲ့ရခိုင်ပြည်နယ် ကျောက်ဖြူမြို့နယ်အတွင်းက တောင်မော်ဦးရေတပ်စခန်းဝန်းကျင်နဲ့ မင်းတက်တောင်လမ်းဆုံအနီး သိုင်းချောင်းဝန်းကျင်တို့မှာ စစ်တပ်စခန်း​တွေကို အာရက္ခတပ်တော်(AA)ကတိုက်ခိုက်​နေပြီး တိုက်ပွဲအပြင်းအထန်ဖြစ်ပွားနေကြတယ်လို့မြေပြင်သတင်းရင်းမြစ်တွေကပြောပါတယ်။

သတင်း

မြန်မာဖက်ခြမ်းနယ်စပ်မှာ ဖြစ်နေတဲ့ တိုက်ပွဲတွေဟာမြန်မာ့ပြည်တွင်းရေးသာဖြစ်ပြီး ထိုင်းရဲ့ လုံခြုံရေးဆိုင်ရာ အခြေအနေတွေကိုတော့ကောင်းကောင်းထိန်းချုပ်ထားနိုင်ကြောင်း ထိုင်းတော်ဝင်ကြည်းတပ်က ထုတ်ပြန်ခဲ့ပါတယ်။

သတင်း

ကသာမြို့မှာပိတ်မိတဲ့ကားတချို့ မန္တလေးဘက် ပြန်ဆုတ်ခိုင်း၊ ပိတ်မိနေသူတွေဆက်ရှိပြီး သေဆုံးသူ ထပ်တိုး

သတင်း

ကချင်ပြည်နယ်၊ ဗန်းမော်မြို့မှာ တိုက်ပွဲတွေ ဆက်လက်ဖြစ်ပွားနေကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာနရဲ့ နိုဝင်ဘာ ၇ရက် သတင်းဖော်ပြချက်မှာ အသိပေးထားပါတယ်။