ဒီး​မော့ဆိုမြို့နယ်တွင် စစ်​ကောင်စီတပ် ​လေယာဥ်ဖြင့် ဗုံးကြဲမှုကြောင့် တွင်းများကျန်ရစ်​နေသည်ကို KNDF ပြသ

ကရင်နီ(ကယား)ပြည်နယ် ဒီးမောဆိုမြို့နယ်ရှိ ဟိုဖိတ်နှင့် သပြေတောကျေးရွာကြားတွင် စစ်ကောင်စီ၏ လေယာဥ်ဖြင့် ဗုံးကြဲတိုက်ခိုက်မှုကြောင့် ကျန်ရစ်ခဲ့သော အခြေ အနေကို ကရင်နီအမျိုးသားများကာကွယ်ရေးတပ် (KNDF) တပ်ရင်း-၉က ယနေ့(မေ ၂ ရက်) ထုတ်ပြန် သည်။

“စကစ လေယာဥ်ဖြင့် ပစ်ခတ်လိုက်တဲ့ ဗုံးတစ်လုံး၏ပုံရိပ်အချို့ပါ။ အနက် ပေ (၂၀) ရှိပြီး အကျယ်ပေ (၃၀) ဝန်းကျင်ရှိပါတယ်”ဟု KNDF တပ်ရင်း(၉)က ပြော သည်။

စစ်​ကောင်စီတပ်အ​နေဖြင့် ၎င်းတို့အထိနာပါက လေယာဥ်ပစ်ကူများထုတ်သုံးလျှက်ရှိသည့် အကြမ်းဖက်စစ်ကောင်စီကို ပြန်လည် လက်တုန့်ပြန်ရန် လေယာဥ်ပစ်လက်နက်များ လိုအပ်နေသည့်အပြင် မြေပြင်တိုက်ပွဲများအတွက် ကျည်ဆန်များ ဝယ်ယူနိုင်ရေး ပြည်သူများအနေဖြင့် တက်နိုင်သမျှပါဝင်ကူညီပေးရန်လည်း မေတ္တာရပ်ခံသည်။

ဧပြီ ၂၀ ရက်ကစ၍ ဒီးမော့ဆို မြို့နယ်အတွင်း ထိတွေ့တိုက်ပွဲများနေ့စဥ် ဖြစ်ပွားနေပြီး အကြမ်း ဖက်စစ်ကောင်စီက လက်နက်ကြီးအများအပြားအသုံးပြုနေသည်ဟု KNDF က ဆိုသည်။

Public Service Announcement

ဧပြီ နောက်ဆုံးပတ်က ဒီးမော့ဆို နှင့်ဖရူဆိုမြို့နယ် တိုက်ခိုက်မှုများတွင် အကြမ်းဖက်စစ် ကောင်စီတပ် ၂၄ ဦးသေဆုံးကာ ၎င်းတို့ ရဲဘော်နှစ်ဦးကျဆုံးခဲ့ကြောင်း KNDFက ယမန်နေ့တွင် ထုတ်ပြန်ထားသည်။