ပဲခူးတိုင်းစစ်​ကောင်စီတိုင်းရုံးအနီး မြို့တွင်းလမ်းများကို တစ်လမ်းမောင်းအဖြစ် ပိတ်ဆို့ထား

ကျော်ဇော/People’s Spring

စစ်​ကောင်စီလက်​အောက်ရှိပဲခူးတိုင်းအစိုးရဖွဲ့ရုံးအနီး မြို့တွင်းလမ်းများကို ယခုရက်ပိုင်းမှစ၍ ပိတ်ဆို့ပြီး တစ်လမ်းမောင်းအဖြစ်သာ ခွင့်ပြုထားကြောင်း ပဲခူးမြို့ခံများက ပြောသည်။

တစ်လမ်းမောင်းပုံစံ အတားအဆီးများချ၍ ပိတ်ဆို့ထားသော လမ်းများအနက် ရန်ကုန်-မန္တလေးလမ်းအား ပဲခူးမြို့နာရီစဥ်အနီးမှ ပဲခူးတိုင်းအစိုးရအဖွဲ့ရုံးအနီး မီးပွိုင့်ထိပ်အထိ ပိတ်ဆို့ထားသည်။

အလားတူ ရန်ကုန်-မန္တလေးမကြီးသို့ ဖောက်ထွက်နိုင်သော ၂၈ လမ်း၊ ၂၉ လမ်းနှင့် လမ်း ၃၀ တို့ကို တစ်လမ်းမောင်းပုံစံ ပိတ်ဆို့ထားပြီး ပဲခူးမြို့မှ သနပ္ပင်ဘက်အထွက်လမ်းပိုင်းကိုလည်း အလားတူ ပိတ်ဆို့ထားကြောင်း ဒေသခံများက ပြောသည်။

Public Service Announcement

“လမ်းမတွေမှာ အကုန်အစစ်ဆေးလုပ် အတား အဆီးတွေလုပ်ထားကြတာ။ လမ်းမှာ လူငယ်တွေတွေ့ရင် အကုန်စစ်​တယ်။ လုံခြုံရေးတင်းကြပ်ထားတယ်။ ကင်းပုန်းတွေလည်းရှိတယ်” ဟု ပဲခူးဒေသခံတစ်ဦးက ပြောသည်။

လမ်းပိုင်းများအား တစ်လမ်းမောင်းပုံစံပြု လုပ် ၍ အတားအဆီးများချကာ ပိတ်ဆို့မှုများကို မေ ၂ ရက်က စတင်လုပ်ဆောင်လိုက်ခြင်းဖြစ်ပြီး ယင်းလမ်းပိုင်းများမှာ စစ်ကောင်စီလက် အောက်ခံ ပဲခူးမြို့မရဲစခန်း၊ တိုင်းအစိုးရရုံး၊ ထွေအုပ်၊ သစ်တော၊ ပြန်/ဆက်၊ တိုင်းတရားရုံးစသည့်ရုံးဌာနများသို့ အလွယ်တကူ သွားလာနိုင်သည့် လမ်းပိုင်းများဖြစ်သည်။

ထို့အပြင် စစ်ကောင်စီတပ်လက်အောက်တွင် ဖမ်းဆီး၊ သတ်ဖြတ်ခြင်းနှင့် အကြမ်းဖက်ရမ်း ကားမှုတို့တွင် နာမည်ဆိုးဖြင့်ကြော်ကြားသော တပ်မ (၇၇)နှင့် မီးပွိုင့်တစ်ခုသာခြားသည့် အ ကွာအဝေးတွင် ပိတ်ဆို့ထားခြင်းလည်း ဖြစ် သည်။

အမျိုးသားညီညွတ်ရေးအစိုးရ(NUG)က ပဲခူး တိုင်းအား အုပ်ချုပ်မှုနယ်မြေတိုးချဲ့ရန် ပြင်ဆင်လျက်ရှိရာ ပြည်ပရောက်မြန်မာများ ထည့်ဝင်မှုဖြင့် ရက်ပိုင်းအတွင်း ကျပ်သိန်း ၆၀၀၀ ကျော်ရရှိထားကြောင်း ပြည်ထဲရေးဝန်ကြီးက အသိပေးထားသည်။