မနေ့က မန္တလေးမြို့ ၊ချမ်းမြသာစည်မြို့နယ်ထဲက တည်းခိုခန်းကို စစ်ကောင်စီတပ်ဝင်စီးနင်းရာမှာ ပြန်လည်ခုခံရင်းကျဆုံးသွားသူ ၅ ဦးဟာ မြစ်ငယ် PDF တပ်ဖွဲ့ဝင်တွေဖြစ်တယ်လို့ မန္တလေးမြို့ပြပျောက်ကြား တပ်ဖွဲ့ Rangers of Mandalay က ထုတ်ပြန်ပါတယ်။
အဲဒီ PDF တပ်ဖွဲ့ဝင်တွေဟာ ဒဏ်ရာရတဲ့အတွက် ဝင်ရောက်နားနေချိန် သတင်းပေးကြောင့် စစ်အုပ်စုဘက်က အင်အားအလုံးအရင်းနဲ့ Green House Inn ကို ပိတ်ဆို့စီးနင်းပစ်ခတ်ခဲ့တယ်လို့ သိရပါတယ်။
စစ်ကောင်စီတပ်ရဲ့စီးနင်းမှုကိုအညံ့မခံဘဲ ပြန်လည်ခုခံရာမှာ မြစ်ငယ် PDF တပ်ဖွဲ့ဝင်တွေဖြစ်တဲ့
ဗိုလ်ကျုံးထန်၊ ရဲဘော်ညီကို၊ ရဲဘော်ဩဘာ၊ ရဲဘော်ဖက်တီး၊ရဲဘော်မအိတို့ ကျဆုံးသွားတယ်လို့ Rangers of Mandalay က ထုတ်ပြန်ချက်မှာဖော်ပြပါတယ်။
အညံမခံဘဲ ပြန်လည်ခုခံရာမှာ အင်အားမမျှတာကြောင့် ကျဆုံးသွားတဲ့ ရဲဘော်တွေအတွက်မြစ်ငယ်PDF နဲ့အတူ ထပ်တူဝမ်းနည်းရတယ်လို့လည်း Rangers of Mandalay က ဆိုထားပါတယ်။