●ရဲစခန်းတိုက်ခိုက်ခံရသဖြင့် စစ်ကောင်စီတပ်ရေကြောင်း၊ကုန်ကြောင်းမှအင်အားအများအပြားတိုးထား
လောင်းလုံးမြို့ သကျက်တော နယ်မြေရဲစခန်းကိုPDFများက ယမန်နေ့ညတွင် ခြောက်နာရီကြာ တိုက်ခိုက်ပြီးနောက် လောင်းလုံးမြို့အတွင်း ရေကြောင်းနှင့် ကုန်းလမ်းမှစစ်ကောင်စီတပ်များ အင်အားဖြည့်တင်းနေကြောင်း ဒေသခံကာကွယ်ရေးတပ်များထံ မှသိရသည်။
သကျက်တော နယ်မြေရဲစခန်းကို လောင်းလုံးမြို့နယ်ပြည်သူ့ကာကွယ်ရေးတပ်ဖွဲ့( ပ.က.ဖ-လောင်းလုံ)နှင့် နယ်မြေခံပျောက်ကြားအဖွဲ့တို့က ယမန့်နေ့(မေ ၅ရက်)ည ၁၀နာရီမှ ယနေ့(မေ၆ရက်) မနက် လေးနာရီ အထိ စခန်းသိမ်းရန် ဝင်ရောက်တိုက်ခိုက်ခဲ့သည်။
ထိုသို့ဝင်ရောက်တိုက်ခိုက်ချိန်တွင် အကြမ်းဖက်စစ်ကောင်စီတပ်က ရေကြောင်းနှင့်ကုန်းလမ်းကပါ အင်အားဖြည့်တင်းလာပြီး လက်နက်အင်အားမမျှခြင်းကြောင့် ဒေသခံကာကွယ်ရေးတပ်များ စခန်းမသိမ်းနိုင်ဘဲအောင်မြင်စွာ ဆုတ်ခွာနိုင်ခဲ့ကြောင်းဒေသခံကာကွယ်ရေးတပ်များနှင့်နီးစပ်သူများကပြောသည်။
Public Service Announcement
ထိုတိုက်ပွဲမှုတွင် အကြမ်းဖက်စစ်ကောင်စီတပ်သားကျဆုံးမူကို အတည်အပြုနိုင်သေးကြောင်းနှင့် ဒေသခံကာကွယ်ရေးတပ်များဘက်မှ အထိအခိုက်မရှိ ပြန်လည်ဆုတ်ခွာနိုင်ခဲ့သည်ဟုဒေသခံကာကွယ်ရေးတပ်များနှင့်နီးစပ်သူကပြောသည်။
“ဒီစခန်းကိုဝင်သိမ်းမယ်ကြားလို့ ည ၆နာရီလောက်ကတည်း သတင်းကောင်းစောင့်နေတယ်။ အင်အား အဆမတန်တိုးချထားတာတော့ကော ၊ စစ်ကူလာတာကြောင့် PDFတွေ ဆုတ်သွားတယ်ကြားတယ်။ ဘာပဲဖြစ်ဖြစ် ဒီလိုရဲစခန်းကိုတောင် ဝင်ပစ်နိုင်တာ PDFတွေ အရမ်းတော်တယ်”ဟုလောင်းလုံးမြို့ခံတစ်ဦးကပြောသည်။
PDFများကစခန်းကိုဝင်ရောက်စီးနင်းတိုက်ခိုက်ချိန်တွင်သွေးသစ္စာ သီးချင်းဆို၍ တိုက်ခိုက်ခဲ့ခြင်းဖြစ်ကြောင်းလည်း ဒေသတွင်းသတင်းဌာနဖြစ်သော တနသာ်ရီတိုင်းကဖော်ပြသည်။
ရဲကင်းစခန်းအတိုက်ခံရပြီးနောက်လောင်းလုံးမြို့နယ်အတွင်း အကြမ်းဖက်စစ်ကောင်စီတပ်များက အင်အားအများအပြားဖြည့်တင်းနေသည်ဟု ဒေသခံများကပြောသည်။ ထိုအပြင်ဒေသခံများမှာစစ်ကောင်စီတပ်များဝင်လာ၍ ရွာမှထွက်ပြေးတိမ်းရှောင်နေပြီး စစ်ကောင်စီတပ်ကနေအိမ်များကို ဝင်ရောက်မွေနှောက်ဖျက်ဆီးနေကာ ဒေသခံအချို့ဖမ်းဆီးခံရကြောင်းလည်း သိ့ရသည်။
လောင်းလုံးမြို့နယ်ပြည်သူ့ကာကွယ်ရေးတပ်ဖွဲ့ (LLPDF)က မေ ၆ ရက်မှ မေ ၈ ရက်အထိ ၃ ရက်အကြာ လောင်းလုံးမြို့နယ်အတွင်း ခရီးသွားလာခြင်းမပြုရန် အသိပေးတားမြစ်ထားသည်။
