ရေစကြိုတွင် စစ်အုပ်စုနှင့် လက်ပါး​စေများက မြို့ပြ​ပြောက်ကျားတပ်အ​ယောင်​ဆောင်ကာ ​ဒေသခံပြည်သူများအား ဆဲဆိုကြိမ်း​မောင်း​နေ

မကွေးတိုင်း၊ ရေစကြိုမြို့နယ်ရှိ လမ်းပိုင်းအချို့တွင် လူတစ်စုက ပြောက်ကျားတပ်ဖွဲ့အယောင်ဆောင်ကာ ​ဒေသခံပြည်သူများအား ဆဲဆိုကြိမ်းမောင်းနေ၍ ၎င်းအတုအယောင်အဖွဲ့နှင့်သက်ဆိုင်ခြင်းမရှိကြောင်း N-YSOပြောက်ကျား တပ်ဖွဲ့က အသိပေးကြေညာသည်။

ရေစကြိုမြို့နယ်ရှိ လမ်းမများပေါ်တွင် အရပ်ဝတ်များနှင့်လက်နက်များကိုင်ဆောင်ပြီး ပြည်သူများအားဆဲဆိုကြိမ်းမောင်း​နေသူများသည် N-YSO ပြောက်ကျားတပ်ဖွဲ့အမည်အား အလွဲသုံးလုပ်စားပြုလုပ်​နေသည်ကို သိရှိ၍ ထိုဖြစ်ရပ်များမှာ ၎င်းတို့အဖွဲ့အစည်းနှင့် လုံးဝမသက် ဆိုင်ကြောင်း N-YSOက ပြောသည်။

ထိုသူများသည် စစ်သား၊ ရဲသားနှင့် ပျူစောထီးများဖြစ်ပြီး ၎င်းတို့အဖွဲ့အ​နေဖြင့် ပြည်သူများအား မိုက်ရိုင်းစော်ကားသည်လုပ်ရပ်မျိုးအား မည်သည့်အခါမျှ လုပ်မည်မဟုတ်ဟု N-YSOက အသိပေးသည်။

“အဓိကကတော့ ကျွန်တော်တို့ PDF တွေနဲ့ပြည်သူတွေကြားမှာသွေးကွဲစေလိုတဲ့ရည်ရွယ်ချက်နဲ့​ဗျ။ အဲလိုမျိုး ဘယ်နှစ်ကြိမ် ဘယ်နှစ်ခါ ပြည်သူ​ဘယ်လောက်ပေါ်မှာ လုပ်ခဲ့မလဲတော့မသိဘူး။ အခုလိုဖြစ်ရပ်ကိုလည်း ကျွန်တော်တို့ကို စစ်ဆေးခံရတဲ့ ပြည်သူတစ်ဦးက လာရောက်မေးမြန်းပြီး ပြောပြခဲ့လို့သာသိရတာ​ဗျ။ အဲ့လိုမျိုး အကြိမ်ကြိမ်ကြားခဲ့ရတယ်။ ဒါပေမယ့် အခုတစ်ကြိမ်ကတော့ ကျွန်တော်တို့ အကြိမ်ရေများများအလွဲသုံးလုပ်ခံထားရတယ်ထင်လို့ ရှင်းပြသင့်ပြီမို့တင်ပြရတာပါ။” N-YSO ပြောက်ကျားတပ်ဖွဲ့က တာဝန်ရှိသူက ပြောသည်။

Public Service Announcement

ရေစကြိုမြို့နယ်တွင် အကြမ်းဖက်စစ်တပ်အား လမ်းမများနှင့် ရေလယ်ကျွန်းဒေသတွင် ခုခံတိုက်ခိုက်လျက်ရှိသည်။