အကြမ်းဖက်စစ်ကောင်စီတပ်၏ ကာကွယ်ရေးပစ္စည်းစက်ရုံ(ကပစ)မှ တပ်သားကိုဇော်ဖြိုး ပြည်သူ့ရင်ခွင်သို့ ဝင်ရောက်လာကြောင်း YDF Htilin (Shwe Som Nyo)က ယနေ့(မေ ၈ရက်)တွင် ထုတ်ပြန်သည်။
ကိုယ်ပိုင်အမှတ် တ/ ၅၆၅၆၅၆၊ ကပစ တပ်သား ကိုဇော်ဖြိုးသည် ယခုနှစ် ဧပြီ ၁၅ရက်တွင် စစ်ကောင်စီ၏ မတရားမှုများကို မကြိုက်နှစ်သက်၍ CDM ပြုလုပ်ပြီး YDF Htilin (Shwe Som Nyo) တွင် ခိုလှုံ၍ ပြည်သူ့ရင်ခွင်သို့ ဝင်ရောက်လာသောကြောင့် ကောင်းမွန်စွာ ကျွေးမွေးစောင့်ရှောက်ခဲ့သည်ဟု ဆိုသည်။
နောက်နောင်တွင် စစ်လက်နက်ပစ္စည်းအပြည့်အစုံ (Full Equipment) နှင့်တကွ YDF Htilin (Shwe Som Nyo) အဖွဲ့ထံ ဝင်ရောက်လာပါက ဆုကြေးငွေ သိန်း ၅၀ကိုပေးအပ်၍ လွတ်မြောက်နယ်မြေသို့ ရောက်ရှိအောင် ပို့ဆောင်ပေးသွားမည်ဖြစ်ကြောင်း အသိပေးသည်။
ယခုလ ၅ ရက်ကလည်း ထီးလင်းမြို့နယ်တွင် စစ်ကြောင်းထိုးနေသည့် တပ်မ(၁၁)မှ တပ်ကြပ်အဆင့်ရှိ ရန်ရှိန်းထန်းသည် CDM ပြုလုပ်၍ ခိုလှုံလာကြောင်း YDF ထီးလင်းက ထုတ်ပြန်ထားသည်။