စစ်ကောင်စီနှင့်ထောင်တိုင်များ၊ PNO/PNA အုပ်ချုပ်ရေးရုံးနှင့် ထွေအုပ်ရုံးများကို အဓိကထားရှင်းလင်းမည်ဟု သတိပေး
ရှမ်းပြည်နယ်တောင်ပိုင်းရှိ ပြည်သူ့ကာကွယ်ရေးတပ်ဖွဲ့ ခုနစ်ဖွဲ့ပူးပေါင်းပြီး မဟာမိတ်တပ်ပေါင်းစုအဖြစ်ဖွဲ့စည်းလိုက်ကြောင်း တောင်ကြီးမြို့နယ် ပြည်သူ့ကာကွယ်ရေးအဖွဲ့က ယနေ့(မေ လ၁၃)ထုတ်ပြန်သည်။
တပ်ပေါင်းစုအဖြစ်ဖွဲ့စည်းလိုက်သော ကာကွယ်ရေးတပ်များမှာ Taunggyi People Defense Force ၊ Ye-Ngan Urban Guerrillas ၊ Urban Task Force-Aung Ban ၊ Ywa Ngan People Defense Force ၊ Red Ants Guerrillas Force ၊ DaNu People Defense Force နှင့် Pa O National Defense Force တို့ပါဝင်ကြောင်း ထုတ်ပြန်ချက်တွင် ဖော်ပြသည်။
မဟာမိတ်တပ်ပေါင်းစုအနေဖြင့် တော်လှန်ရေးအရှိန်မြှင့်ရန် အချင်းချင်းပူးပေါင်းချိတ်ဆောင် ရွက်သွားမည်ဖြစ်ကာ ရှမ်းပြည်တောင်ပိုင်းနှင့် ရှမ်းပြည်တစ်ဝှမ်းလုံးရှိ စစ်ကောင်စီနှင့် ၎င်း၏ ထောင်တိုင်များ၊ PNO/PNA အုပ်ချုပ်ရေးရုံးနှင့် ထွေအုပ်ရုံးများကို အဓိကထားရှင်းလင်းမည်ဟု သတိပေးသည်။
Public Service Announcement
ထို့အပြင် ရှမ်းပြည်တောင်ပိုင်းနှင့် ရှမ်းပြည်တစ်ဝှမ်းလုံးရှိအဖွဲ့အစည်းများအား မဟာမိတ်ဖွဲ့စည်းရန် ဖိတ်ခေါ်ထားပြီး အာဏာရှင်စနစ်အမြစ်ပြတ်သည်အထိ မဖောက်ပြန်ဘဲ တိုက်ခိုက်ခြေမှုန်းသွားမည်ဟု သဓိဌာန်ပြုထားသည်။
