ကမ္ဘာတလွှား အိုးအိမ်စွန့်ခွာပြီး နေရပ်ကနေ တိမ်းရှောင်ရတဲ့ ဒုက္ခသည်ဦးရေဟာ စံချိန်တင်အဖြစ် သန်း ၁၀၀ အထိရှိလာတယ်လို့ကုလသမဂ္ဂက ပြီးခဲ့တဲ့ရက်ပိုင်းကအသိပေးထုတ်ပြန်လာပါတယ်။
ပြီးခဲ့တဲ့ နှစ်အထိ နေရပ်စွန့်ခွာဒုက္ခသည်ဟာ သန်း ၉၀ အထိ ရှိခဲ့ရာကနေ ၂၀၂၂ ခုနှစ်ရောက်လာချိန် မှာတော့ ရုရှား − ယူကရိန်း စစ်ပွဲကြောင်း လူ ၁၄ သန်းလောက် ဒုက္ခသည်ထပ်တိုးလာတာပါ။
ဒုက္ခသည်အရေအတွက်မှာ မြန်မာ ၊အာဖဂန်နစ္စတန် ၊ ကွန်ဂို ၊ အီသီယိုးပီးယား ၊နိုင်ဂျီးရီးယားနဲ့ ဘာကီနာဖာဆို နိုင်ငံတွေက ပါဝင်ကြပါတယ်။
မြန်မာမှာတော့ စစ်တပ်အာဏာပြီးနောက် နေရပ်စွန့်ခွာတိမ်းရှောင်ရသူဦးရေဟာ ၆ သိန်းနီးပါးရှိလာတယ်လို့သိရပါတယ်။ အာဏာမသိမ်းခင်က လူဦးရေ ၃ သိန်းခွဲကျော် နေရပ်စွန့်ခွာတိမ်းရှောင်ခဲ့ရတာကြောင့် ပြည်တွင်းမှာတင် နေရပ်စွန့်ခွာတိမ်းရှောင်ရသူဦးရေဟာ စုစုပေါင်း ၁ သန်းနီးပါးကပ်လာပါတယ်။
Public Service Announcement
ကိုဗစ်ကပ်ရောဂါရဲ့ ရိုက်ခတ်မှုအပြင်စစ်အာဏာသိမ်းမှုကြောင့် မြန်မာနိုင်ငံသား ၅၄ သန်းအနက် ၂၅ သန်းဟာ ဆင်းရဲမွဲတေမှုနဲ့ကြုံနေရပြီး ၁၄ သန်းကျော်ဟာ အကူအညီအထောက်အပံ့လိုအပ်နေတယ်လို့သိရပါတယ်။
မြန်မာနိုင်ငံတွင်းက ဒုက္ခသည်တွေအတွက် လူသားချင်းစာနာထောက်ထားမှုအကူအညီတွေကို ပေးအပ်ရာမှာ အတားအဆီးမရှိ ပေးအပ်နိုင်ဖို့အတွက်အမေရိကန်ဦးဆောင်ပြီး တောင်းဆိုထားကြပါတယ်။
