●သင်္ဘောလုံခြုံရေးစစ်ကြောင်းနှင့်လည်း နာရီဝက်ကြာ တိုက်ပွဲဖြစ်ခဲ့
ကသာမြို့မှ ဆန်တက်လာသော အကြမ်းဖက်စစ်ကောင်စီ၏ ရိက္ခာတင်စစ်သင်္ဘော ၃ စီးအား ဒေသကာကွယ်ရေးတပ်မှ ရှော့တိုက်ဒုန်းဖြင့် ပစ်ခတ်တိုက်ခိုက်ခဲ့ကြောင်း မြို့လှ ပြည်သူ့ကာကွယ်ရေးတပ်(PDF)က ယနေ့ ထုတ်ပြန်သည်။
စစ်ကောင်စီ၏ လက်နက်ရိက္ခာတင် စစ်သင်္ဘော ၃ စီးသည် ယနေ့မေလ ၂၅ရက် နေ့လည်ပိုင်းတွင် ကသာဆိပ်ကမ်းမှ စတင်ထွက်ခွာလာရာ မွန်းလွဲ ၂နာရီခွဲခန့်တွင် ကသာ- အထက်ဘက် ဝဲကြီးရွာနှင့် သံပုရာကုန်းရွာကြား၌ ဗိုလ်သာလိကာ ဦးဆောင်သော ဒေသကာကွယ်ရေး တပ်ဖွဲ့မှ တိုက်ခိုက်ခဲ့သည်ဟု ဆိုသည်။
ရှော့တိုက်ဒုန်း ၂ လုံး၊ H-22 မိုင်တဲမမ လက်လုပ်ရှေ့ထွက်မိုင်း ၇ လုံးဖြင့် ပစ်ခတ်တိုက်ခိုက်ခဲ့ကြောင်း၊စစ်ကောင်စီသင်္ဘောမှလည်း လက်နက်ကြီးများဖြင့် ပြန်လည်ပစ်ခတ်ခဲ့ရာ ကျေးရွာအနီး လက်နက်ကြီးကျည်အချို့ ကျရောက်ပေါက်ကွဲခဲ့ကြောင်း ဖော်ပြထားပြီး သင်္ဘော ၁စီး ကိုလည်း လက်နက်ထိမှန်ရာ စက်ချို့ယွင်းသွားသည်ဟု ဖော်ပြထားသည်။
Public Service Announcement
အဆိုပါ သင်္ဘောကို ကျန်သင်္ဘောဖြင့်တွဲကာ မိုးတားလေးဆိပ်ကမ်း၌ ဆိုက်ကပ်ထားရကြောင်း ထုတ်ပြန်သည်။
ယနေ့မနက်ကလည်း စစ်ကောင်စီသင်္ဘောလုံခြုံရေးအတွက်မြစ်ကမ်းတစ်လျှောက်ခြေလျှင်စစ်ကြောင်းထိုးလာသော စကစအင်အားတစ်ရာကျော်ခန့်ကိုကသာ- အထက်ဘက် မိုးတားလေး မြေနုရွာအနီးအရောက်တွင်ဒေသကာကွယ်ရေး တပ်များနှင့်နာရီဝက်ကြာအပြန်အလှန်ပစ်ခတ်ခဲ့ရာစစ်ကောင်စီတပ်မှ ထိခိုက်မှု ရှိနိုင်သည်ဟု ဖော်ပြထားသည်။ ဒေသကာကွယ်ရေးတပ်မှ အန္တရာယ်ကင်းစွာ ဆုတ်ခွာနိုင်ခဲ့ကြောင်းလည်း ဖော်ပြထားသည်။
