စစ်ကျွန်ပညာရေးတွင် ပူးပေါင်းပါဝင်ခြင်းမရှိသော ကျောင်းသားများနှင့် ကျောင်းသားမိဘများကို ကျေးဇူးတင်ကြောင်း ပညာရေးအင် အားစုများစုပေါင်းပြီးယမန်နေ့(မေ ၂၇)ရက်စွဲဖြင့် သဘောထားထုတ်ပြန်သည်။
ထိုထုတ်ပြန်ချက်ကို Spring University Myanmar – SUM ၊ Oak Awe Institute ၊ Yadanabon University Mandalay MM ၊ ဆေးတက္ကသိုလ် (၁) ကျောင်းသားသမဂ္ဂ ၊ Interim University Council of University of Medicine(Mandalay)စသည့်ပညာရေးအင်အားစုများက ပူးပေါင်းထုတ်ပြန်ခြင်းဖြစ်သည်။
နှစ်နှစ်ကျော်ကြာပညာရေးပြတ်လတ်မှုကိုနားလည်ပါသော်လည်း စစ်အုပ်စုမှ ကျောင်းပြန်ဖွင့်ကာ စစ်ကျွန် ပညာရေးယန္တရားလည်ပတ်ရန် အားထုတ်နေချိန်တွင် အသက်ပေးခဲ့ရသော ကျောင်းသားလူငယ်များ၊ အကျဥ်းကျခံကျောင်းသားများ၊ CDM ဆရာ၊ ဆရာမများ၊စစ်ဘေးရှောင်ကျောင်းသားပြည်သူများအပေါ် စာနာစိတ်ရှိရှိဖြင့် CDM ဆက်လက်ပြုလုပ်ကြရန် တိုက်တွန်းထားသည်။
ပြီးခဲ့သည့် ၂၀၂၁ ခုနှစ်ဖေဖော်ဝါရီ ၁ ရက်စစ်တပ်အာဏာသိမ်းချိန်တွင် CDM ပြုလုပ်ခဲ့ကြသောပညာရေးဝန်ထမ်းများနှင့် ကျောင်းသားကျောင်းသူများ၏ အင်ပြည့်အားပြည့်ပါဝင်မှုကြောင့် စစ်ကောင်စီ ၏အရှိုက်ကိုထိုးနှက်သကဲ့သို့ ရှိခဲ့ကြောင်းထောက်ပြသည်။
Public Service Announcement
ထို့ပြင် CDM ကျောင်းသားကျောင်းသူများ ပညာသင်ခွင့်ရရေးသည် ၎င်းတို့တာဂန်တစ်ရပ်ဟု ခံယူထားပြီးအမျိုးသားညီညွတ်ရေးအစိုးရ(NUG)၊ပညာရေးဝန်ကြီးဌာနမှအကောင်အထည်ဖော်လျက်ရှိသော ကြားကာ လပညာရေးအစီအစဥ်တွင် အခြားသောအင်အားစုများနှင့်ပူးပေါင်း ပုံဖော်သွားမည်ဟု ပညာရေးအင်အားစုများကအသိပေးထားသည်။
