ကျောက်ကြီးဒေသခံတွေကို ပြည်သူရွေးကောက်ထားတဲ့ မြို့နယ်တာဝန်ခံတွေတွေ့ဆုံ

ကေအဲန်ယူ-ညောင်လေးပင်ခရိုင်၊ တပ်မဟာ ၃ ကျောက်ကြီးမြို့နယ်အတွင်းရှိ ဒေသခံပြည်သူလူထုတွေကို မြို့နယ်တာဝန်ရှိ ခေါင်းဆောင်တွေ တွေ့ဆုံဆွေးနွေးခဲ့တယ်လို့ ကေအဲန်ယူက သတင်းထုတ်ပြန်ပါတယ်။

ကေအဲန်ယူ-ကျောက်ကြီးမြို့နယ်အတွင်းရှိ ပြည်သူလူထုက ရွေးကောက်တင်မြှောက်ထားတဲ့ အုပ်ချုပ်ရေးမှူးတွေ၊ ကျန်းမာရေးနဲ့ ပညာရေးဝန်ထမ်းတွေ၊ အခြားဝန်ထမ်းတွေကို ဒီကနေ့မနက် ၉ နာရီအချိန်က မြို့နယ်တာဝန်ရှိခေါင်းဆောင်တွေက တွေ့ဆုံဆွေးနွေးခဲ့တာပါ။

တွေ့ဆုံဆွေးနွေးပွဲမှာ ကေအဲန်ယူ-ကျောက်ကြီးမြို့နယ်က ပြီးခဲ့တဲ့ မေလ ၂၁ ရက်က ထုတ်ပြန်ထားတဲ့ ညွန်ကြားချက်တွေကို မြို့နယ် တာဝန်ရှိသူတွေက ရှင်းလင်းဆွေးနွေးခဲ့ကြတယ်လို့ ထုတ်ပြန်ချက်မှာ ပါရှိတာပါ။

အခုလို ရှင်းလင်းဆွေးနွေးရတာဟာ ပြည်သူလူထုတွေ ပြည်သူ့အုပ်ချုပ်ရေးယန္တရားကို သိရှိနားလည်ပြီး မိမိတို့ကံကြမ္မာကို မိမိတို့ဖန်တီးနိုင်ဖို့ဖြစ်တယ်လို့ ကေအဲန်ယူက ဆိုထားပါတယ်။

Public Service Announcement

ဒီတွေ့ဆုံဆွေးနွေးပွဲအှာ ဒေသခံပြည်သူဦးရေ (၃၀၀)နီးပါး တက်ရောက်ဆွေးနွေးခဲ့ကြတယ်လို့ ထုတ်ပြန်ချက်အရသိရပါတယ်။

ကေအဲန်ယူ-ကျောက်ကြီးမြို့နယ်အတွင်းမှာရှိတဲ့ ဒေသခံပြည်သူလူထုတွေအနေနဲ့ မြို့နယ်အတွင်းမှာ ဘယ်လုပ်ငန်းကိစ္စမဆို လုပ်ကိုင်ဆောင်ရွက်လိုပါက သက်ဆိုင်ရာမြို့နယ်ရဲ့ခွင့်ပြုချက်ကိုရယူပြီး စည်းကမ်းစည်းမျဉ်းအတိုင်းလိုက်နာဆောင်ရွက်ရမယ်လို့ ထုတ်ပြန်ထားတာဖြစ်ပါတယ်။