မြင်းခြံမြို့နယ်တွင် ကျေးရွာ​နေပြည်သူများအားခြိမ်းခြောက်နေသည့် သွေးသောက်အဖွဲ့ဝင် ပျူတစ်ဦးကို သုတ်သင်ရှင်းလင်း

မန္တလေးတိုင်း၊ မြင်းခြံမြို့နယ်တွင် ကျေးရွာ​နေပြည်သူများအား လက်နက်ကိုင်ခြိမ်းခြောက် ဖမ်းဆီးမှုများ ပြုလုပ်နေသည့် သွေးသောက်အဖွဲ့ဝင် ပျူစောထီးတစ်ဦးကို သုတ်သင်ရှင်းလင်းခဲ့ကြောင်း နောင်ရိုးအထူးပြောက်ကျားတပ် – NYSGFက သတင်းထုတ်ပြန်သည်။

ယနေ့(ဇွန်လ ၆ရက်) နံနက် ၉နာရီခွဲခန့်က မြင်းခြံမြို့နယ် ဆီမီးခုံမြို့အနီး ပျူစောထီးများ သောင်းကြမ်းရမ်းကားလျက်ရှိသော ဆုံရွာ – ကွေ့ကြီး ကျေးရွာရှိ အကြမ်းဖက်စစ်ကောင်စီလက်အောက်ခံ (သွေးသောက်အဖွဲ့ဝင်) နိုင်ဝင်းဆိုသူအား သုတ်သင်ရှင်းလင်းခဲ့ခြင်းဖြစ်ကြောင်း နောင်ရိုးအထူးပြောက်ကျားတပ် – NYSGFက အသိပေးသည်။

နောင်ရိုးအထူးပြောက်ကျားတပ် – NYSGF ၊ Ngazun Hero နှင့် Ngazun Fight Stars ညီနောင်သုံးဖွဲ့ ပေါင်းကာ ရှင်းလင်းခဲ့ခြင်းဖြစ်သည်။

“စစ်ကောင်စီအားကိုးဖြင့် ကျေးရွာပြည်သူ လူထုအပေါ် မတရားအနိုင်ကျင့်ဗိုလ်ကျခြင်း ၊ ရွာသူရွာသားများအပေါ် ဖိအားပေးခြိမ်းခြောက်ခြင်း စခများခေါ်ပီး ဖမ်းခိုင်းခြင်း ပျုသင်တန်း ဆင်းထားပြီး လက်နက်ကိုင်ဆောင်ထားသူတစ်ယောက်လဲ ဖြစ်ပါတယ်။ ပြောရရင် သွေးသောက်အဖွဲ့ဝင် တစ်ဦးလဲဖြစ်ပါတယ်။ သူ့ကြောင့် ထွက်ပြေးတိမ်းရှောင်နေကျရရှာတဲ့ ပြည်သူတွေလည်းအများကြီးရှိပါတယ်။ ဆုံရွာ-ကွေ့ကြီး ဆိုတာ စကစလက်အောက်ခံ ပျူဒလန်များကြီးစိုးရာ ရွာများဖြစ်ပါတယ်။”ဟု နောင်ရိုးအထူးပြောက်ကျားတပ် – NYSGF တာဝန်ရှိသူက ပြောသည်။

Public Service Announcement

နောက်နောင်တွင်လည်း မြင်းခြံခရိုင်အတွင်းရှိ စစ်​ကောင်စီလက်အောက်ခံ ပျူစောထီးများကို ထိထိရောက်ရောက် ဆုံးမပေးသွားမည်ဖြစ်ကြောင်းလည်း သတင်းထုတ်ပြန်သည်။