Connect with us

Hi, what are you looking for?

LuduNwayOo

သတင်း

ထီးလင်းမြို့နယ် စင်းစယ်ရွာကို စစ်ကောင်စီတပ် မီးရှို့ ၍ ​နေအိမ် ၁၂လုံးနှင့် စပါးတင်း ၅၀၀ကျော်ပျက်စီး

စစ်ကောင်စီတပ်သည် ယခင်ကလည်း စင်းစယ်ရွာကို ဝင်ရောက်မီးရှို့ခဲ့ဖူးပြီး ယခုသည် ဒုတိယအကြိမ်မီးရှို့ခံရခြင်းဖြစ်သည်ဟု ဖော်ပြထားသည်။

ထီးလင်း PDF
ထီးလင်း PDF

မကွေးတိုင်း ထီးလင်းမြို့နယ် စင်းစယ်ကျေးရွာကို စစ်ကောင်စီတပ်က ဒုတိယအကြိမ်မီးရှို့ဖျက်ဆီးခဲ့ရာ လူနေအိမ် ၁၂လုံးနှင့် စပါးတင်း ၅၀၀ သိုလှောင်ထားသည့် အဆောက်အဦတစ်လုံး မီးလောင်ပျက်စီးခဲ့ရကြောင်း ထီးလင်းမြို့နယ် ပြည်သူ့ကာကွယ်ရေးတပ်(PDF)က ယမန်နေ့တွင် သတင်းထုတ်ပြန်သည်။

မုံရွာ (နမခ)မှ ပုလဲ-မင်းတိုင်ပင်-ကျော-ရေမျက်နီ-ခေါင်းတုံ လမ်းအတိုင်း လမ်းဘေးရွာများကိုမီးရှို့ဖျက်ဆီး၍ ဂန့်ဂေါမြို့သို့တက်သွားသော စစ်ကောင်စီယာဉ်တန်းသည် ဇွန်လ ၆ရက်တွင် ဂန့်ဂေါမှ ကျောမြို့သို့ ပြန်လည်ထွက်ခွာလာပြီး စင်းစယ်ကျေးရွာသို့ ဝင်ရောက်ကာ လူနေအိမ်များမှ စားနပ်ရိက္ခာ ပစ္စည်းများရှာဖွေယူဆောင်ခြင်း၊ လူနေအိမ်များ စပါးကျီများ လမ်းဘေးတောများမှ လူနေတဲများအား လက်နက်ကြီးဖြင့်ထုခြင်း ၊ မီးရှို့ဖျက်ဆီးခြင်းများ ပြုလုပ်ခဲ့ခြင်း ဖြစ်သည်။

စစ်ကောင်စီတပ်များ ပြန်လည်ထွက်ခွာသွားပြီးနောက် စင်းစယ်ကျေးရွာ ပြည်သူများနှင့်အတူ ထီးလင်း PDF ရဲဘော်များက မီးရှို့ဖျက်ဆီးခံ လူနေအိမ်များအား မီးငြိမ်းကူခြင်း၊ ပစ္စည်းများပြောင်းရွေ့ကူခြင်း၊ မီးငြိမ်းနေသော ပြည်သူများ၏ လုံခြုံရေးအတွက် ရှေ့ကင်း၊နောက်ကင်းများယူ၍ အကာ အကွယ်ပေးခြင်းလုပ် ဆောင်ခဲ့ပြီး စစ်ဘေးရှောင်ပြည်သူများ၏ စားနပ်ရိက္ခာအတွက် အနီးအနားရွာများမှ အကူအညီတောင်းခံပေးခဲ့ကြောင်း အသိပေးထားသည်။

ထို့ပြင် ကျန်းမာရေးစောင့်ရှောက်မှုများပေးနိုင်ရန်အတွက်စီစဥ်ပေးခဲ့သည်ဟု ထီးလင်း PDFက ထုတ်ပြန် သည်။

Public Service Announcement

Public Service Announcement

စစ်ကောင်စီတပ်သည် ယခင်ကလည်း စင်းစယ်ရွာကို ဝင်ရောက်မီးရှို့ခဲ့ဖူးပြီး ယခုသည် ဒုတိယအကြိမ်မီးရှို့ခံရခြင်းဖြစ်သည်ဟု ဖော်ပြထားသည်။

စစ်ကောင်စီတပ်များသည် ပြည်သူလူထုနေအိမ်များကို မီးရှို့ဖျက်ဆီးမှုများ ဆက်တိုက်ပြုလုပ်လျက်ရှိရာ မေလအတွင်းက မကွေးတိုင်းရှိ အိမ် ၁,၀၀၀ နီးပါးနှင့် စစ်ကိုင်းတိုင်းမှ အိမ်ခြေ ၆,၃၀၀ ကျော် အပါအဝင် အိမ်ခြေ ၇,၀၀၀ကျော် မီးလောင်ပျက်စီးခဲ့ရကြောင်း Data for Myanmarက သတင်းထုတ်ပြန်သည်။

ဆက်စပ်သတင်းများ

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။

သတင်း

ရက္ခိုင်ဒေသ၌ စစ်ကောင်စီ၏ စစ်ဆင်ရေးကွပ်ကဲမှုဌာနချုပ် (စကခ)များဖြစ်ကြသော စကခ (၅) တောင်ကုတ်၊ စကခ (၉)ကျောက်တော်နှင့် စကခ (၁၅)ဘူးသီးတောင်တို့ရှိရာ ကျောက်တော်နှင့် ဘူးသီးတောင်မြို့နယ်ရှိ စကခ ဌာနချုပ်များကို သိမ်းပိုက်ထားနိုင်ခဲ့ပြီးဖြစ်သည်။

သတင်း

ခလရ(၁၄၂)အား KIA က မသိမ်းပိုက်မီ ယင်းတပ်ရင်းထဲမှ ကျပ်သိန်းပေါင်း ငါးသောင်းကျော်အား နယ်စပ်ဖြတ်ကျော်၍ ယူဆောင်လာခွင့်ပြုရန် စစ်ကောင်စီ၏တောင်းဆိုမှုကို တရုတ်ကပယ်ချခဲ့ကြောင်း People's Spring က စုံစမ်းသိရှိရသည်။

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။