မကွေးတိုင်း၊ သရက်မြို့ရှိ စစ်ကောင်စီလက်အောက်ခံ ခရိုင်စုပေါင်းရုံးဝန်းအတွင်း ဗုံးပစ်တိုက်ခိုက်ခဲ့ကြောင်း People’s Defence Force – Thayet က ယနေ့(ဇွန် ၁၃)ထုတ်ပြန်သည်။
ယနေ့နေ့လယ် ၁၂ နာရီ ၁၅ ခန့်က သရက်မြို့ ခရိုင်စုပေါင်းရုံးဝန်း၊ ထွေအုပ်ရုံးနောက်ဘက်ဝန်းအတွင်းသို့ သရက်-ကံမ ပူးပေါင်းတပ် (လင်းယုန်စစ်ဆင်ရေးအဖွဲ့)က ဗုံးဖြင့်ပစ်ခတ်တိုက်ခိုက်ခဲ့ကြောင်း ဖော်ပြသည်။
“ပြည်သူဘက်သို့ ရပ်တည်သည့် ပြည်သူ့ဘက် တော်သားများနှင့် မိဘပြည်သူများ၏ ပူးပေါင်း ကူညီမှုများနှင့်အတူ ဆောင်ရွက်ပြုလုပ်နိုင်ခဲ့ပြီး နောက်ဆက်တွဲ Updated သတင်းများကို ဆက်လက် အတည်ပြု သတင်းထုတ်ပြန်ပေးသွားပါမည်”ဟု သရက် PDF က ပြောသည်။
၎င်းတို့အနေဖြင့် စစ်ကောင်စီ၏ အဓိကယန္တရားဖြစ်သော စစ်ရေးပစ်မှတ်များ၊ အုပ်ချုပ်ရေးရုံးများနှင့် စစ်ကောက်စီ ထောက်တိုင်များကိုသာ မိမိတို့အဖွဲ့က မူဝါဒများနှင့်အညီ အဓိကပစ်မှတ်ထား တိုက်ခိုက်သွားမည်ဟု အသိပေးသည်။
Public Service Announcement
ထို့အပြင် အများပြည်သူဆိုင်ရာ ကျောင်းများ၊ ဆေးရုံများ၊ ဈေးများ အစရှိသည်တို့ကို လုံးဝ တိုက်ခိုက်ခြင်းပြုမည်မဟုတ်ကြောင်းလည်း အသိပေးထားသည်။
သရက်-ကံမပူးပေါင်းတပ်(လင်းယုန်စစ်ဆင် ရေးအဖွဲ့)သည် ဇွန်လ ၆ ရက်နေ့ညပိုင်းကလည်း သရက်မြို့နယ် လျှပ်စစ်ဓာတ်အားပေးရုံး(EPC)ကို ဗုံးခွဲတိုက်ခိုက်ခဲ့သေးသည်။
