တိုက်ပွဲတွင်စစ်ကောင်စီတပ်သားနှစ်ဦးသေနတ်ကျည်ထိမှန်
ငရုတ်ကောင်းမြို့နယ်၊ ဆင်ငံကျေးရွာအနီးတွင်ဒေသခံပြည်သူ့ကာကွယ်ရေးတပ်နှင့် စစ်ကောင်စီတပ်တို့ ဇွန် ၁၃ ရက်က တိုက်ပွဲဖြစ်ခဲ့ပြီးနောက် စစ်ကောင်စီတပ်ကအရပ်သားများ
ကို အကြမ်းဖက်ဖမ်းဆီးနေကြောင်း ပြည်သူ့ကာကွယ်ရေးရဲဘော်များကပြောသည်။
ဆင်ငံကျေးရွာအနီးတွင် ဇွန်လ ၁၃ ရက်နေ့ နံနက် ရှစ်နာရီခန့်ကတိုက်ပွဲဖြစ်ပွားခဲ့သည်။
“ စစ်ခွေးနှစ်ကောင်တွေ့လို့ PDF တွေဘက်က စပစ်တာ။ စစ်ကောင်စီက လက်နက်ကြီးတွေနဲ့ ပြန်ပစ်တယ်။ စစ်ခွေးနှစ်ကောင်ထိတာ အတည်ပြုနိုင်တယ်” ဟု PDFတစ်ဦးကပြောသည်။
စစ်ကောင်စီသည် ပြည်သူ့ကာကွယ်ရေးအဖွဲ့များအား ခြေရာခံနိုင်စေရန် ဒေသခံများကို ဖမ်းဆီးပြီး လမ်းပြခိုင်းနေသည်ဟု အဆိုပါ ပြည်သူ့ကာကွယ်ရေးရဲဘော်ကပြောသည်။
Public Service Announcement
စစ်ကိုင်းတိုင်း၊ မကွေးတိုင်းတို့ကဲ့သို့စစ်အာဏာရှင်အားလက်နက်ကိုင်တော်လှန်ရေးတွင် အားကောင်းမှုမရှိဟု ဝေဖန်ခံနေရသော ဧရာဝတီတိုင်းတွင် မေလမှစတင်ကာ ဒေသခံ ပြည်သူ့ကာကွယ်ရေးတပ်များက စစ်ကောင်စီတပ်အား တိုက်ခိုက်မှုများစတင်အရှိန်မြှင့်လာသည်။
ဇွန် ၂ရက်ကလည်း ထူးကြီးမြို့အနီး ကွင်းကောက်မြို့ရှိ စစ်ကောင်စီ၏ အမှတ်(၅)လေ့ကျင့်ရေးတပ်ရင်းဂိတ်ကို ဧရာနဂါးညီနောင် ပြည်သူ့ကာကွယ်ရေးအဖွဲ့က တိုက်ခိုက်ခဲ့သည်။
ဇွန်လဆန်းတွင်ပင်အင်္ဂပူမြို့ရှိစစ်ကောင်စီ၏ မိုင်တဲတာဝါတိုင်တစ်တိုင်ကို ပြည်သူ့ကာကွယ်ရေးအဖွဲ့က ဗုံးဖောက်ခွဲဖြိုလှဲခဲ့သည်။ မေလကုန်ပိုင်းကလည်း ဓနုဖြူမြို့အခြေစိုက်စစ်ကောင်စီတပ်ရင်းတစ်ခုကို ပြည်သူ့ကာကွယ်ရေးအဖွဲ့တစ်ဖွဲ့က တိုက်ခိုက်ခဲ့သည်။
အင်္ဂပူမြို့တွင်လည်း မေလအတွင်းစစ်ကောင်စီခန့်ရပ်ကွက်အုပ်ချုပ်ရေးမှုးကို စွန်ရဲနီပြည်သူ့ကာကွယ်ရေးတပ်မှ ရဲဘော်နှစ်ဦးကပစ်ခတ်ရှင်းလင်းစဥ်စစ်ကောင်စီတပ်၏ ဖမ်းဆီးခံရပြီးယင်းလူငယ်နှစ်ဦးအသတ်ခံလိုက်ရသည်။
