'/%3E%3C/svg%3E){kind=small}
စစ်ကိုင်းတိုင်း၊ မုံရွာ-မန္တလေးလမ်းမကြီးပေါ်တွင်ယနေ့နံနက်ပိုင်းမှစတင်ကာ ဖြတ်သန်းသွားလာခြင်း လုံးဝမပြုလုပ်ရန် Moe Nyo Revolution Force က သတိပေးကြေညာသည်။
ယနေ့(ဇွန်လ၂၅ရက်နေ့)နံနက်မှစ၍ နောက်ထပ်အသိပေးချက် ထပ်မံမထုတ်ပြန်မချင်း မုံရွာ-မန္တလေးလမ်းမကြီး၊စစ်ကိုင်း-မြင်းမူ-မုံရွာလမ်းပိုင်းအား လုံးဝအသုံးပြုခြင်း မလုပ်ကြရန် Moe Nyo Revolution က အသိပေးသည်။
သွားလာခြင်းကြောင့် တစ်စုံတစ်ရာ ထိခိုက်မှုဖြစ်ပေါ်လာပါက တာဝန်ယူနိုင်မည်မဟုတ်ကြောင်း Moe NyoRevolution Forceက သတိပေးသည်။
“ပြည်သူများအတွက် အန္တရာယ်များ လို့ယာယီပိတ်ထားတာပါ။”ဟု Moe Nyo Revolution Forceအဖွဲ့ တာဝန်ရှိသူကပြောသည်။
Public Service Announcement
ယနေ့နံနက် ၆နာရီခန့်က ချောင်းဦးမြို့ဘက်မှစစ်ကောင်စီတပ်များ လိုက်ပါလာသော ကားလေးစီးသည် မုံရွာ-မန္တလေးလမ်း၊ မြင်းမူမြို့နယ် ဂွေးပင်တောရွာ၊ဘိုးမင်းကြီးကင်းရွာ ကားလမ်းဘေးများတွင် ကင်းပုန်းပတ်ချခဲ့သည်။
ချောင်းဦးမြို့နယ် နတ်ရေကန်ကျေးရွာနှင့် ငါးယှန်ကျေးရွာ ကားလမ်းဘေးများတွင်လည်း အကြမ်းဖက်စစ်ကောင်စီတပ်များ ကင်းပုန်းချထားကြောင်း၊ မြင်းမူမြို့နယ် အလ္လကပ္ပကျေးရွာ ရွှေဂူဘုန်းကြီးကျောင်းတွင်းရှိ အကြမ်းဖက်စစ်တပ်သည်လည်း အလ္လကပ္ပနှင့် ဝမ်းပြည့်ရွာကြား ကင်းပုန်းဝပ်ရန်ထွက်သွားကြောင်း မြင်းမူမြို့နယ်သတင်းမှန်ပြန်ကြားရေးက အသိပေးထားသည်။
ယနေ့စစ်ကောင်စီတပ်ကကင်းပုန်းဝပ်နေသောနေရာများအပါအဝင်မုံရွာ-မန္တလေးလမ်းမကြီးတစ်လျှောက်အကြမ်းဖက်စစ်ကောင်စီတပ်များလိုက်ပါလာသောယာဥ်များအား ဒေသခံPDF များကမကြာခဏမိုင်းဆွဲတိုက်ခိုက်ခံရလေ့ရှိသည်။
