မန္တလေးတိုင်း မိတ္ထီလာမြို့ပေါ်က NLD ပါတီဝင်တွေ ပိုင်ဆိုင်ဆိုင်တဲ့စီးပွားရေးလုပ်ကိုင်ရာနေရာတွေကို သွေးသောက်အမည်ခံအဖွဲ့ ဗုံးထောင်ဖျက်ဆီးတာတွေ လုပ်ဆောင်နေတယ်လို့သိရပါတယ်။
မနေ့က ဇူလိုင်လ ၂ ရက် ညပိုင်းက မိတ္ထီလာမြို့ ရန်မျိုးအောင်ရပ်ကွက် နယ်မြေ ( ၄ ) မှာရှိတဲ့ မင်းခန့်ကျော် ကွမ်းယာဆိုင်၊နယ်မြေ ( ၅ ) မှာရှိ ရူပါရုံ အလှပြင်ဆိုင်၊ နန်းတော်ကုန်းရပ်ကွက် ထောင်ကြီးတိုက်တန်းမှာရှိတဲ့ ကွင်းအင်ပါယာအလှပြင်ဆိုင်တို့မှာ ဖောက်ခွဲဖျက်ဆီးမှုတွေပြုလုပ်ခဲ့တာပါ။
ဖောက်ခွဲခံရတဲ့နေရာတွေဟာ NLD ပါတီဝင်တွေပိုင်ဆိုင်တဲ့လုပ်ငန်းတွေလည်းဖြစ်ပါတယ်။ ဒီလို ဖောက်ခွဲဖျက်ဆီးတဲ့အကြောင်းကို အာဏာသိမ်းစစ်အုပ်စု ကို လော်ဘီလုပ်နေတဲ့ တယ်လီဂရမ်ချန်နယ်တွေမှာ ဖော်ပြတာတွေ့ရပါတယ်။
ဖျက်ဆီးခံရတဲ့နေရာတွေမှာ သွေးသောက်အဖွဲ့ အနီရောင် စစ်ဆင်ရေး တံဆိပ်ပါတဲ့ စတေကာတွေ ကပ်ထားခဲ့တယ်လို့ လည်းသိရပါတယ်။
Public Service Announcement
ပြီးခဲ့တဲ့ ဧပြီလထဲကစပြီး မန္တလေးမှာ သွေးသောက်အမည်ခံအဖွဲ့ စတင်ပေါ်ပေါက်လာပြီး NLD ပါတီဝင်တွေ ၊ ပါတီကိုဝန်းရံသူတွေကို ဖမ်းဆီးသတ်ဖြတ် အလောင်းစွန့်ပစ်တာတွေလုပ်ဆောင်ခဲ့ပါတယ်။
