ရှမ်းပြည်နယ် မိုးမိတ်ခရိုင်အထွေထွေအုပ်ချုပ်ရေးဦးစီးဌာနရုံး မိုင်းခွဲတိုက်ခိုက်ခံရပြီး Non CDM ဝန်ထမ်းသုံးဦး ဒဏ်ရာရရှိခဲ့သည်ဟု ဒေသခံများက ပြောသည်။
ယမန်နေ့(ဇူလိုင် ၁၁ရက်) နေ့လယ်က မိုးမိတ်မြို့ မြို့သစ်ရပ်ရှိ ခရိုင်ထွေအုပ်ရုံး မိုင်းပစ်သွင်းတိုက်ခိုက်ခံရခြင်းဖြစ်သည်။
“လူငယ်တစ်ဦးက ဆိုင်ကယ်စီးလာပြီး မိုင်းပစ်သွင်းသွားတာ။Non CDM သုံးယောက် ဒဏ်ရာရတယ်။ တစ်ယောက်ကတော့ ဆေးရုံတင်ထားရတယ်”ဟု ဌာနဆိုင်ရာ ဝန်ထမ်းတစ်ဦးက ပြောသည်။
မိုင်းဖြင့်တိုက်ခိုက်ခံရပြီးနောက် ထွေအုပ်ဝန်ထမ်းများ လတ်တလော ရုံးမတက်ရန် ခရိုင်မှူးက ညွှန်ကြားထား သည်ဟု ယင်းဝန်ထမ်းက ပြောသည်။
Public Service Announcement
မိုင်းခွဲတိုက်ခိုက်သည့်အဖွဲ့သည် မည်သည့်အဖွဲ့ဆိုသည်ကို မသိရသေးပေ။ မိုးမိတ်မြို့နယ်တွင် အကြမ်းဖက်စစ်ကောင်စီသည် ရှမ်းတိုင်းရင်းသားလက်နက်ကိုင်တပ်ဖွဲ့ SSPP၊ တအာင်းတိုင်းရင်းသားလက်နက်ကိုင်အဖွဲ့ TNLA တို့နှင့် စစ်ရေးတင်းမာနေသည်။ ထို့အပြင် မိုးမိတ်မြို့နယ်တွင် ပြည်သူ့ကာကွယ်ရေးတပ်ဖွဲ့လည်း ဖွဲ့စည်းထားပြီးဖြစ်သည်။
မိုးမိတ်ခရိုင်ကို အခြေပြု၍ မိုးမိတ်ခရိုင် (KPDF) တပ်ရင်းသစ်ကို ကချင်လွတ်မြောက်ရေးတပ်မတော် KIO/KIA အစိုးရ၏ အကူအညီ၊အသိအမှတ်ပြုမှုတို့ဖြင့် ဖွဲ့စည်းထားကြောင်း ဇူလိုင် ၆ရက်က ကြေညာထား သည်။
ထို့အပြင် Non CDM ဝန်ထမ်းများအနေဖြင့် စစ်ကောင် စီ၏ လက်အောက်တွင် တာဝန်ထမ်းဆောင်နေခြင်းသည် စစ်ရာဇဝတ်မှုများ ပိုမိုကျူးလွန်ရန် အားပေးအားမြှောက်ပြုခြင်းဖြစ်ပြီး ပြည်သူ့ရင်ခွင်သို့ အမြန်ဆုံး ခိုလှုံကြရန် KPDF က ယမန်နေ့နံနက်က တိုက်တွန်းချက် ထုတ်ပြန်ထားသည်ကို တွေ့ရသည်။
