“စစ်ရေးဗျူဟာအစ လက်နက်ခဲယမ်းဖြည့်တင်း ဖို့အဆုံး Chain of command အားကောင်းစေဖို့ စီမံဆောင်ရွက်ရတာ ကာကွယ်ရေးဝန်ကြီးဌာနအနေနဲ့လည်း လုပ်ငန်းတာဝန် အင်မတန်များပြားပါတယ်။ နောက်တစ်ခုက ဘဏ္ဍာငွေဆိုင်ရာအခြေအနေပါ။ တစ်နေ့က စီမံဘဏ္ဍာဝန်ကြီး အင်တာဗျူးမှာပြောခဲ့သလိုပဲ အမျိုးသားညီညွတ်ရေးအစိုးရအဖွဲ့ ရဲ့ ဘဏ္ဍာငွေ ၉၅ ရာခိုင်နှုန်းလောက်ဟာ ကာကွယ်ရေးဝန်ကြီးဌာနအတွက် သုံးထားရတာဖြစ်ပါတယ်”ဟု ဝန်ကြီးချုပ်က ပြောသည်။
ထိုအခြေအနေသည် တော်လှန်ရေးအတွက် အင်မတန် ဖြစ်သင့်သည့်ကိစ္စဖြစ်သည်ဟုလည်း ဝန်ကြီးချုပ် မန်းဝင်းခိုင်သန်းက ပြောသည်။
” ပျူစောထီးအပါအဝင် စစ်ကောင်စီတပ်ဖွဲ့ဝင်တွေ၊ စစ်ကောင်စီ လက်အောက်ခံ ရဲတပ်ဖွဲ့ဝင်တွေဟာ မြန်မာနိုင်ငံအနှံ့အပြားမှာ ဥပဒေမဲ့ ဖမ်းဆီးချုပ်နှောင်ခြင်း၊ လူမဆန်ရက် စက်စွာနှိပ်စက်သတ်ဖြတ်ခြင်းတွေကို အရပ်သားပြည်သူများအပေါ် ပြုကျင့်လျက်ရှိတယ်။ ဒီလိုပြု ကျင့်တဲ့ ဖြစ်ရပ်များစွာရဲ့ ခိုင်လုံသော မှတ်တမ်း မှတ်ရာများကိုလည်း ကျွန်တော်တို့ရရှိထားပါတယ်။ ဒီလို ကိစ္စရပ်တွေနဲ့ ပတ်သက်ပြီး ကျွန်တော်တို့အနေနဲ့ တရားမျှတမှုတွေရရှိနိုင်ဖို့ ဆက်လက်လုပ် ဆောင် ဖို့တွေရှိနေတာမို့ ကျွန်တော့်အနေနဲ့တော့ ပြည်ထဲရေး ဝန်ကြီးဌာနမှ ဦးဆောင်ပြီး စနစ်တကျစီမံ ဆောင် ရွက်စေချင်ပါတယ်” ဟု ပြည်ထောင်စုဝန်ကြီးချုပ်က ပြောသည်။
“တမူးမှာရှိတဲ့ ပအဖ တွေ ပကဖတွေနဲ့ တွေ့ဆုံပြီး အမှုကိစ္စအတွက် ဆက်လက် စုံစမ်းဆောင်ရွက်ဖို့ လိုအပ်ပါတယ်။ လိုအပ်ရင်တရားရေးနဲ့ပူးပေါင်းဆောင်ရွက်ဖို့လည်း တိုက်တွန်း လိုပါတယ်။ ဒီကိစ္စဟာ ကျွန်တော်တို့ အိမ်နီးနားချင်း ဆက်ဆံရေးအတွက်လည်း အရေးကြီးတာမို့ ကျွန်တော်တို့ဟာ အစိုးရတစ်ရပ်အနေနဲ့ တာဝန်ရှိနေတာမို့ ကြိုးစားဆောင်ရွက်ပေးစေချင်ပါတယ်”ဟု ပြည်ထောင်စုဝန်ကြီးချုပ်က ပြောကြားသည်။
Public Service Announcement
ထို့အပြင် အိန္ဒိယနိုင်ငံသားနှစ်ဦး အသတ်ခံရမှုကို ပြည်ထဲရေးဝန်ကြီးဌာနက စနစ်တကျစုံစမ်းရန်လည်း ပြည်ထောင်စုဝန်ကြီးချုပ်က ညွှန်ကြားခဲ့သည်ဟု ဆိုသည်။
