ပဲခူးတိုင်း၊ ရေတာရှည်မြို့နယ်ရှိ ကျေးရွာတစ်ရွာ၌တပ်စွဲထားသော အကြမ်းဖက်စစ်ကောင်စီတပ်အား မဟာမိတ်တပ်ဖွဲ့များနှင့်အတူ ပူးပေါင်းတိုက်ခိုက်ခဲ့ကြောင်း ဒေါင်းမင်းသား ရေတာရှည် PDFတပ်ဖွဲ့က ယနေ့(ဇူလိုင် ၁၆) ထုတ်ပြန်သည်။
ယနေ့နံနက် ၁၀နာရီခန့်က ရေတာရှည်မြို့နယ် ပိတောက်ကုန်းကျေးရွာအုပ်စု ရေတာရှည်လေးကျေးရွာတွင်တပ်စွဲထားသော စစ်ကောင်စီတပ်သား၂၅ ဦးခန့်အား သံတောင်မြောက်ပိုင်းအထူးဒေသ NTDFအဖွဲ့ ၊ နေပြည်တော် PDF နှင့် ဒေါင်းမင်းသား ရေတာရှည် PDF ပူပေါင်းအဖွဲ့တို့မှ ကြားဖြတ်တိုက်ခိုက်ခဲ့ခြင်းဖြစ်ကြောင်း ဖော်ပြ သည်။
အဆိုပါတိုက်ခိုက်မှုကြောင့် စစ်ကောင်စီတပ်မှ ခုနစ်ဦးခန့်သေဆုံးပြီး မဟာမိတ်ပူးပေါင်းတပ်ဖွဲ့များမှ တော်လှန် ရေးရဲဘော်များ အထိအခိုက်မရှိဘဲ ဘေးကင်းလုုံခြုံရာသို့ ရောက်ရှိပြီဖြစ်ကြောင်း ထုတ်ပြန်သည်။
“သိမ်းတာကတော့ အပြတ်သိမ်းဖို့ပဲ။ တစ်ဖက်က စစ်ကူထိုးလာတာနဲ့ ပြန်ဆုတ်လာခဲ့ရတယ်”ဟု ဒေါင်းမင်းသား ရေတာရှည် PDF မှ တာဝန်ရှိသူတစ်ဦးက ပြောသည်။
Public Service Announcement
ဇူလိုင် ၁၃ ရက်နှင့် ၁၄ ရက်တို့တွင်လည်း ရေတာရှည်မြို့ နယ် စည်ပိုင်းရွာဘက်စစ်ကြောင်းထိုးလာသော အကြမ်း ဖက်စစ်ကောင်စီတပ်ကို မဟာမိတ်ပူးပေါင်းအဖွဲ့မှ လက် နက်ကြီးများဖြင့် လိုက်လံတိုက်ခိုက်ခဲ့ရာ ယင်းစစ်ကြောင်း ဆုတ်ခွာသွားခဲ့သည်။
