ဗန်းမောက်တွင် စစ်ကောင်စီတပ်စွဲရာနေရာနှင့် စစ်ကောင်စီသတင်းပေးကို မြို့နယ်(ပကဖ) တိုက်ခိုက်

▪️ဒလံများ စစ်ကောင်စီအလိုကျ ဆက်လုပ်နေပါကပို၍ ပြင်းထန်စွာတိုက်ခိုက်မည်ဟု အသိပေး

စစ်ကိုင်းတိုင်း ဗန်းမောက်မြို့ ရှိ စစ်ကောင်စီတပ်စွဲရာ ပညာရေးမှူးရုံးအား ယမန်နေ့ ညပိုင်းက တိုက်ခိုက်ခဲ့ကြောင်း Banmauk Revolution က ဖော်ပြသည်။

ထို့ပြင် ယမန်နေ့ (ဇူလိုင် ၁၈ ရက်) ညပိုင်း၌ပင် စစ်ကောင်စီသတင်းပေး ဒလံအောင်ညွန့်၏ နေအိမ်းအား ဗန်းမောက်ပြည်သူ့ကာကွယ်ရေးအဖွဲ့(ပကဖ)နှင့် ပြည်သူ့လုံခြုံရေးအဖွဲ့ (ပလဖ)ပူးပေါင်း၍ ဗုံးခွဲတိုက်ခိုက်ခဲ့သည်ဟု ဆိုသည်။

ယနေ့ နေ့လည်ပိုင်းတွင်လည်း ဗန်းမောက်(ပကဖ) မှ ရဲစခန်းအား လက်လုပ်မိုင်းဖြင့် တိုက်ခိုက်ခဲ့ကြောင်း ဖော်ပြထားသည်။

အဆိုပါ တိုက်ခိုက်မှုများ၌ စစ်ကောင်စီတပ်မှ သေဆုံးထိခိုက်မှုရှိမရှိကို ဖော်ပြမထားပေ။ စစ်ကောင်စီ သတင်း ပေးဖြစ်သူ အောင်ညွန့်မှာမူ လွတ်မြောက်သွားသည်ဟု ဆိုသည်။

Public Service Announcement

စစ်ကောင်စီသတင်းပေး ဒလံများအနေဖြင့် စစ်ကောင်စီ အလိုကျ CDMများကို ရှာဖွေစုံစမ်းခြင်း၊ အုပ်ချုပ်ရေးယန္တရားကို အသက်သွင်းခြင်း၊ စစ်ကောင်စီ အောက် အမှုထမ်းခြင်းများ ဆက်လက် လုပ်ဆောင်နေမည်ဆိုပါက ယခုထက် ပို၍ ပြင်းထန်သော တိုက်ခိုက်မှုများ ထပ်မံ ပြုလုပ်သွားမည်ဟု အသိပေးထားသည်။