NUGထိန်းချုပ်နယ်​မြေများတွင်အသုံးပြု​နေ​သောအခွန်ချလံပုံစံကို အသိ​ပေး

အမျိုးသားညီညွတ်​ရေးအစိုးရ(NUG)၊ စီမံကိန်းဘဏ္ဍာရေးနှင့် ရင်းနှီးမြှုပ်နှံမှုဝန်ကြီးဌာနက ထိန်းချုပ်နယ်မြေများတွင် အခွန်ထမ်းပြည်သူများကအခွန်ပေးဆောင်ရာတွင်အသုံးပြု​နေ​သောအခွန်ချလံပုံစံများကို ယမန့်နေ့(ဇူလှိုင် ၂၂ ရက်)ကထုတ်ပြန်လိုက်သည်။

လက်ရှိတွင် NUGထိန်းချုပ်နယ်မြေများတွင် ပြည်သူများက အခွန်ပေးဆောင်ရန် စိတ်အားထက်သန်လျက်ရှိပြီး ကြိုတင်အခွန်ပေးဆောင်လျက်ရှိသည်ဟု NUG ဆိုသည်။အခွန်​ပေး​ဆောင်လျက်ရှိ​သောလုပ်ငန်းရှင်မျာအတွက်မြို့နယ်ပြည်သူ့အုပ်ချုပ်​ရေးအဖွဲ့များ (ပအဖ)ကလုပ်ထုံးလုပ်နည်းများနှင့်အညီသတ်မှတ်အခွန်ချလံပုံစံများဖြင့် ကောက်ခံလျက်ရှိသည်ဟုအသိ​ပေးထားသည်။

အခွန်ချလံပုံစံများကို အများပြည်သူသိရှိရန် NUGက ထုတ်ပြန်ခြင်းဖြစ်ပြီး NUGကကြားကာလဒေသန္တရ ပြည်သူ့ အုပ်ချုပ်ရေးဖော်ဆောင်ရာတွင်အခွန်ကောက်ခံခြင်းနှင့်မျှဝေသုံးစွဲခြင်းဆိုင်ရာ မူဝါဒကို ၂၀၂၂ ဖေဖော်ဝါရီ ၆ ရက်တွက် ထုတ်ပြန်ခဲ့သည်။ ထိုမူဝါဒကိုအ​ကောင်အထည်​ဖော်ရန် ကြားကာလဒေသန္တရ ပြည်သူ့ အုပ်ချုပ်ရေးဖော်ဆောင်မှု ဗဟိုကော်မတီနှင့် သက်ဆိုင်ရာမြို့နယ် ပြည်သူ့အုပ်ချုပ်ရေးအဖွဲ့များက ချိတ်ဆက်ဆောင်ရွက်နေသည်ဟုထုတ်ပြန်ထားသည်။

NUG သည် စစ်ကိုင်းတိုင်းနှင့်မ​ကွေးတိုင်းရှိမြို့နယ်အချို့တွင် ထိန်းချုပ်နယ်​မြေများထူထောင်ကာ သက်ဆိုင်ရာ ပအဖ၊ပကဖများကလည်း အခွန်မြို့နယ်အချို့တွင် စတင်အခွန်​ကောက်ခံနေပြီဟု​ဒေသခံအချို့က​ပြောသည်။

Public Service Announcement