ဂျပန်အစိုးရနှင့် အာဏာသိမ်းစစ်ကောင်စီအကြား ဆက်ဆံမှုသည် ဂျပန်-မြန်မာ ချစ်ကြည်ရေးကို ထိခိုက်စေ၍ ရှုံ့ချကြောင်း ဂျပန်ရောက် မြန်မာနိုင်ငံသား အဖွဲ့အစည်းများက ယမန်နေ့တွင် ထုတ်ပြန်သည်။
ဂျပန်အစိုး၏ မြန်မာပြည်အပေါ်ထားရှိသည့် သဘောထားမှာ ယနေ့အချိန်အထိ ပြတ်သားမှုမရှိဘဲ အာဏာသိမ်းအကြမ်းဖက်စစ်အုပ်စုနှင့် ပိုမိုပတ်သက်လာနေ ကြောင်းကို စိတ်မကောင်းစွာမြင်တွေ့ နေရကြောင်း ထုတ်ပြန်ချက်၌ ဖော်ပြသည်။
စစ်ကောင်စီနှင့် ဆက်စပ်လုပ်ကိုင်နေသည်များနှင့် အကြမ်းဖက်စစ်တပ်၏ စစ်သားများကို ခေါ်ယူပညာသင်ပေးနေခြင်းများကို ရပ်တန့်ရန်၊ လူ့အခွင့်အရေးကို စဉ်ဆက်မပြတ် ချိုးဖောက် နေသည့် စစ်တပ်ကို အရေးယူ ပိတ်ဆို့ရန်နှင့် ODA လုပ်ငန်းများမှ စစ်တပ်ထံငွေများစီးဆင်းနေမှုကို ချက်ချင်းဆိုင်းငံ့ပေးရန် အချက်များကို ဂျပန်အစိုးရထံ တောင်းဆိုလွှာ၌ ထည့်သွင်းတောင်းဆိုသည်။
ထို့အပြင် အမျိုးသားညီညွတ်ရေးအစိုးရ NUG ကို အသိအမှတ်ပြုပြီး ဂျပန်နိုင်ငံဆိုင်ရာ NUG ကိုယ်စားလှယ်နှင့် ချိတ်ဆက်လုပ်ကိုင်ရန်၊ လူသားချင်းစာနာမှုအကူအညီများကို NUG နှင့် မိတ်ဖက်အဖွဲ့အစည်း များမှသာတဆင့် ပေးအပ်ရန်၊ ဂျပန်ရောက် မြန်မာလူမျိုးများအတွက် လူဝင်မှုကြီး ကြပ်ရေး၏ သတ်မှတ်ချက်အချို့ကို ပြောင်းလဲပေးရန် အချက်များ ကိုလည်းတောင်းဆို ထားသည်။
Public Service Announcement
အကြမ်းဖက်စစ်တပ်၏ သတင်းထုတ်ပြန်ပွဲများတွင် မြန်မာနိုင်ငံဆိုင်ရာ ဂျပန်သံအမတ်ကြီး တက်ရောက်နေမှု၊ စီးပွားရေးရင်းနှီးမြှပ်နှံမှုများ ဆက်လက်လုပ်ဆောင်နေမှု၊ မြန်မာ့ဒီမိုကရေစီရေး ကိုအနှောက်အယှက် ဖြစ်စေသည့် Mr. Sasagawa (Nippon Foundation)၏ မီးစတဖက် ရေမှုတ်တဖက်လုပ်ရပ်များကို ဂျပန်နိုင်ငံရောက်မြန်မာ နိုင်ငံသား များက ပြင်းထန်စွာဆန့်ကျင် ကန့်ကွက်ကြောင်း ထုတ်ပြန်သည်။
