စစ်ကိုင်းတိုင်း ကနီမြို့နယ်တွင် ကျေးရွာများကို မီးရှို့ဖျက်ဆီးသည့် အကြမ်းဖက် စစ်ကောင်စီ တပ်သားများအား တိုက်ခိုက်ပြီး ပြန်လာသော ပြည်သူ့ကာကွယ်ရေးတပ်ဖွဲ့ဝင်(PDF) ရဲဘော်များကို ဒေသခံပြည်သူများက သပြေပန်းများဖြင့် ဂုဏ်ပြုကြိုဆိုခဲ့ကြောင်း MDF အဖွဲ့က ယနေ့ (ဇူလိုင် ၂၅) တွင် ထုတ်ပြန်သည်။
ပြီးခဲ့သည့် ဇူလိုင် ၂၃ ရက်က စစ်ကောင်စီဝင် အင်အား ၇၀ခန့်ရှိ စစ်ကောင်စီ တပ်စစ်ကြောင်းသည် ကနီမြို့နယ်၊ ငဖျက် ပန်းဆိုင်း ရွာကို ဝင်ရောက် မီးရှို့ချိန်တွင် MDF -Special Force ၊ MDF – အမျိုးသမီးကွန်မန်ဒိုတပ်ဖွဲ့ နှင့် ကနီမြို့နယ် (ပကဖ)တပ်ဖွဲ့များမှ တိုက်ခိုက်ခဲ့ခြင်းဖြစ်သည်။
စစ်ကောင်စီတပ်နှင့် တော်လှန်ရေးတပ်ဖွဲ့များကြား ထိတွေ့တိုက်ပွဲ ၁နာရီခွဲခန့် ကြာမြင့်ခဲ့ပြီး MDF- Special Force မှ စနိုက်ပါ၊ 40mm , ရှော့တိုက် Rocketများနှင့် တိုက်ခိုက်ခဲ့ရာ စစ်ကောင်စီတပ်သား ငါးဦးခန့် သေဆုံးခဲ့ပြီး ကျန်စစ်ကောင်စီဝင်များ ထွက်ပြေးခဲ့ကြောင်း MDF အဖွဲ့က ဆိုသည်။
ယင်းတိုက်ပွဲကို အနိုင်ရ၍ အောင်ပွဲဖြင့် ပြန်လာသော တော်လှန်ရေး ရဲဘော်များကို ဒေသခံ ပြည်သူများက ပန်းစည်း၊ပန်းကုံးများဖြင့်ကြိုဆိုကာ ဆန်အိတ်များ၊ ထောက်ပံ့ငွေများလည်း ထောက်ပံ့ကြကြောင်း သိရသည်။
Public Service Announcement
အကြမ်းဖက် စစ်ကောင်စီ၏ စစ်ကြောင်းကို MDF- Special Force၊ MDF – အမျိုးသမီးကွန်မန်ဒိုတပ်ဖွဲ့ နှင့် ကနီမြို့နယ် (ပကဖ)တပ်ဖွဲ့ များက ပူးပေါင်း တိုက်ခိုက်ခဲ့ခြင်း ဖြစ်သည်။
