ကရင်အမျိုးသားအစည်းအရုံး(KNU) ကျိုက်ထိုမြို့နယ်တွင် စစ်ကောင်စီ ယာဉ်တန်းကို ယနေ့ နံနက်က တိုက်ခိုက်ခဲ့ရာ ယာဉ် ၂စီး ထိမှန်ပျက်စီးခဲ့ကြောင်း ကျိုက်ထို တော်လှန်ရေးအင်အားစု (KRF)က သတင်းထုတ်ပြန်သည်။
ကျိုက်ထိုမှ ဝေါဘက်သို့ ထွက်လာသည့် စစ်ယာဉ်တန်းကို ယနေ့ (ဇူလိုင် ၂၆ရက်)နံနက် ၁၁နာရီကျော်တွင် KRF၊ KNU/KNLA၊ PDF ပူးပေါင်းအဖွဲ့မှ ပဒေသာမိုင်းဖြင့် တိုက်ခိုက်ကာ လက်နက်ငယ်များဖြင့် ပစ်ခတ်ခဲ့သည်ဟု ဖော်ပြထားသည်။
အဆိုပါ တိုက်ခိုက်မှုအတွင်း စစ်ကောင်စီယာဉ် ၂စီး ထိမှန်ပျက်စီးပြီး စစ်ကောင်စီတပ်ဖွဲ့ဝင်များ ထိခိုက်သေဆုံးမှုအခြေအနေကို စုံစမ်းလျှက်ရှိ ကြောင်း ထုတ်ပြန်သည်။
KRF အနေဖြင့် စစ်ကောင်စီလက်ပါးစေများ၊ သတင်းပေး ဒလန်များနှင့် စစ်ကောင်စီ ထောက်တိုင်များကို ဆက်လက်တိုက်ခိုက်ချေမှုန်း သွားမည်ဟု လည်း အသိပေးကြေညာခဲ့သည်။
Public Service Announcement
