အရပ်ဝတ်ဖြင့် ဆိုင်ကယ်မောင်းနှင်လာသော စစ်ကောင်စီတပ်၏ တပ်ကြပ်ကြီး သန်းထွန်းမောင်ကို ပစ်ခတ်ရှင်းလင်းခဲ့ကြောင်း LPDF Theinzayat က ယနေ့(သြဂုတ် ၃ရက်) ထုတ်ပြန်သည်။
ရှင်းလင်းခံရသည့် တပ်ကြပ်ကြီး သန်းထွန်းမောင်သည် ကိုယ်ပိုင်အမှတ် တ/၁၈၇၃၃၁ ပဲခူးတိုင်း ရွှေကျင်မြို့ ဒုံဇရစ်အခြေစိုက် ခမရ (၅၈၉)တပ်ရင်းတွင် လက်ရှိ တာဝန်ထမ်းဆောင်နေသူဟု ဆိုသည်။
၎င်းကို ယမန်နေ့ ညနေ ၄နာရီ မိနစ် ၄၀ခန့်က ကျိုက်ထိုမြို့နယ်၊ ဝင်းကံတံတားတွင် LPDF Theinzayat နှင့် Gods of Death အဖွဲ့တို့မှ ပူးပေါင်းရှင်းလင်းခဲ့ကြောင်း ဖော်ပြသည်။
အဆိုပါ ဖြစ်စဥ်အပြီးတွင် ယမန်နေ့ ညနေ ၅နာရီ မိနစ် ၂၀ခန့်က သိမ်ဇရပ်အခြေစိုက် အမြှောက် တပ်(၃၁၀)မှ လက်နက်ကြီး (၁၂၀)မမ ငါးလုံးထက်မနည်း ကျေးရွာများသို့ ရည်ရွယ်၍ ပစ်ခတ်ခဲ့ သည်ဟု သိရသည်။
Public Service Announcement
ယမန်နေ့က ကျိုက်ထို – ဘီးလင်း အဆက် သံတံတားဂိတ်ကို ပြည်သူ့ကာကွယ်ရေးအဖွဲ့များ လက်နက်ကြီး၊ လက်နက်ငယ်များဖြင့် တိုက်ခိုက်မှုပြုလုပ်ခဲ့ပြီး စစ်ကောင်စီတပ်ဖွဲ့မှ သေဆုံးထိခိုက်မှုကို အတည်မပြုနိုင်သေးပေ။
