အကြမ်းဖက် စစ်ကောင်စီ မီးရှို့ဖျက်ဆီးခဲ့သော အရာတော်မြို့နယ် ကျေးရွာတစ်ရွာရှိ မီးလောင်ပြင်တွင် ယနေ့ (သြဂုတ် ၁၇) နေ့လည်ပိုင်း၌ အရာတော်မြို့နယ် လူထုသပိတ်ဦးဆောင် ကော်မတီမှ ဦးဆောင်၍ မန္တလေး သပိတ်အင်အားစုနှင့်အတူ ပူးပေါင်းကာ စစ်အာဏာရှင် ဆန့်ကျင်ရေး ဆန္ဒပြခဲ့ကြသည်။
ဆန္ဒပြပြည်သူများက “တော်လှန်စိတ်ဓာတ်ကိုမီးရှို့ပြာချလို့မရ” ၊ “စစ်ခွေးသင်္ချိုင်းစစ်ကိုင်းတိုင်း” စသည့် ဘန်နာစာတန်းများ ကိုင်စွဲကာ “ငါတို့ဟာ ၅/ အညာဒေသရဲ့ ဖီးနှစ်ငှက်တွေပဲ” ဟု ကြွေးကြော်၍ သပိတ်မှောက်ခဲ့ကြသည်။
” ၅/စစ်ကိုင်းတိုင်းအတွင်းမှာ ရှိတဲ့ ကျေးရွာတွေဟာ အကြမ်းဖက်စစ်ကောင်စီရဲ့ မတရားဖိနှိပ် မီးရှို့ဖျက်ဆီးခြင်းကို ခံနေကြရပါတယ်။ ဒါပေမယ့် ပြည်သူလူထုဟာ လုံးဝ လုံးဝ ကြောက်ရွံ့ သွားခြင်း မရှိပါဘူး။ စစ်ကောင်စီ အကြမ်းဖက် ယုတ်မာလေ စစ်ကောင်စီကို ပိုမိုမုန်းတီးရွံရှာ လေလေပါပဲ။ ဘယ်လောက်ပဲ ဖိနှိပ်ပြီး ရက်စက်ပါစေ လိုချင်တဲ့ ဒီမိုကရေစီပန်းတိုင်ကို အရောက်သွားမှာပဲ ဖြစ်ပါတယ်။ ကျွန်တော်တို့ဟာ ခဏလေး တောက်လောင်မဲ့ ကောက်ရိုးမီးတွေ မဟုတ်ပါဘူး ရှားမီးခဲတွေပါ။ မင်းအောင်လှိုင် နဲ့ စစ်ခွေးအပေါင်းအပါတွေ မီးလောင်ပြာကြ သည်အထိ တော်လှန်ရေးခရီးကို ဆက်လက်ချီတက်သွားမှာပါ “ဟု သပိတ်ဦးဆောင်သူက တိုက်တွန်းပြောကြားခဲ့သည်။
