ပြန်လည်ဖွင့်လှစ်ရန်ပြင်ဆင်နေသော ရန်ကုန်မြို့ မရမ်းကုန်းမြို့နယ်၊အမှတ် (၁)ရပ်ကွက်အုပ်ချုပ်ရေးမှူးရုံးနှင့် စစ်ကောင်စီတပ်၏ ဗိုလ်ချုပ်ကြီးဟောင်း သီဟသူရတင်အောင်မြင့်ဦး၏ နေအိမ်အနီးဖောက်ခွဲတိုက်ခိုက်ခဲ့ကြောင်း Secret Underground Force S.U.F က ထုတ်ပြန်သည်။
တိုက်ခိုက်မှုဖြစ်စဥ်များအရ ယမန်နေ့(သြဂုတ် ၁၆ ရက်)ည ၈နာရီ ၂၅မိနစ်ခန့်တွင် မရမ်းကုန်းမြို့နယ် အမှတ် (၁)ရပ်ကွက်အုပ်ချုပ်ရေးမှူးရုံးအား ဖောက်ခွဲတိုက်ခိုက်ခဲ့သည်။
အဆိုပါတိုက်ခိုက်မှုအနက် အထိအခိုက်အပျက် အဆီးကိုမူ စုံစမ်းဆဲဖြစ်ကြောင်း အသိပေးသည်။
ထို့အပြင် ည ၈ နာရီ ၂၂ မိနစ်ခန့်တွင် မရမ်းကုန်း မြို့နယ် အောင်သိဒ္ဓိရိပ်သာ (၃)လမ်းရှိ စစ်ကောင် စီတပ်၏ အငြိမ်းစား ဗိုလ်ချုပ်ကြီးဟောင်း သီဟသူရတင်အောင်မြင့်ဦး၏ နေအိမ်အနီးတွင် သတိပေးသည့်အနေဖြင့် ဖောက်ခွဲခဲ့ကြောင်း ဖော်ပြသည်။
Public Service Announcement
“ညက ပေါက်ကွဲမှုနှစ်ကြိမ်စလုံးကို အတိုင်းသား ကြားရတယ်။တစ်ခုနဲ့တစ်ခုက သိပ်မကွာဘူး။
စခ တွေဘက်ကလည်းသုံးစီးပါတဲ့ ယာဥ်တန်းနဲ့ ရောက်လာတာ တွေ့ရတယ်”ဟု မရမ်းကုန်းမြို့နယ်နေသူတစ်ဦးက လူထုနွေဦးသို့ ပြောသည်။
ဖောက်ခွဲတိုက်ခိုက်မှုကို အမျိုးသားညီညွတ်ရေး တပ်ပေါင်းစု၏အဖွဲ့ဝင်ဖြစ်သော MIU နှင့် MFF တို့နှင့်အတူ မဟာမိတ်အဖြစ် S.U.F ပူးပေါင်း ဆောင်ရွက်ခဲ့ကြောင်း သိရသည်။
