Connect with us

Hi, what are you looking for?

LuduNwayOo

သတင်း

ဖလမ်းတွင် ကုတင် ၅၀ဆန့်ဆေးရုံကို CNO ဖွင့်လှစ်

ယခုဖွင့်လှစ်သည့် ဆေးရုံသည် ၂၀၂၁ကတည်းမှ ဆေးကုသမှုပေးနေသည့်နေရာဖြစ်ပြီး ၂၀၂၁ အောက်တိုဘာလတွင် ဆေးရုံအဖြစ်တိုးချဲ့ဖွင့်ခဲ့ခြင်းသည်ဟု​ဖော်ပြထားသည်။

(​ဆောင်ဒွန်း​ဆေးရုံဖွင့်ပွဲအခမ်းအနားပြုလုပ်စဥ်။ ဓါတ်ပုံ-CNO)
(​ဆောင်ဒွန်း​ဆေးရုံဖွင့်ပွဲအခမ်းအနားပြုလုပ်စဥ်။ ဓါတ်ပုံ-CNO)

ချင်းအမျိုးသားအဖွဲ့ချုပ်(CNO) ဦးစီး၍ ဖလမ်းမြို့နယ်တွင် ကုတင် ၅၀ ဆံ့ဆေးရုံကို ယနေ့(ဩဂုတ် ၂၀ ရက်)က ဖွင့်လှစ်ခဲ့ကြောင်း သတင်းထုတ်ပြန်သည်။

ယခုဖွင့်လှစ်သည့် ဆေးရုံသည် ၂၀၂၁ကတည်းမှ ဆေးကုသမှုပေးနေသည့်နေရာဖြစ်ပြီး ၂၀၂၁ အောက်တိုဘာလတွင် ဆေးရုံအဖြစ်တိုးချဲ့ဖွင့်ခဲ့ခြင်းသည်ဟု​ဖော်ပြထားသည်။

Suangdawn(ဆောင်ဒွန်း)ဟူအမည်ရှိ ထိုဆေးရုံကို ယနေ့ နံနက် ၁၀ နာရီခန့်က ဖလမ်းမြို့နယ်တွင် ချင်း​ဒေသကာကွယ်​ရေးတပ်-CDF ၊ချင်းအမျိုးသားအဖွဲ့ချုပ်CNO စ​သည်တို့မှတာဝန်ရှိသူတို့ကဖဲကြိုးဖြတ်ဖွင့်လှစ်ခဲ့ခြင်းဖြစ်သည်။

(​ဆောင်ဒွန်း​ဆေးရုံဖွင့်ပွဲအခမ်းအနားပြုလုပ်စဥ်။ ဓါတ်ပုံ-CNO)
(​ဆောင်ဒွန်း​ဆေးရုံဖွင့်ပွဲအခမ်းအနားပြုလုပ်စဥ်။ ဓါတ်ပုံ-CNO)

ထိုဆေးရုံတွင် ယမန့်နှစ်အောက်တိုဘာလကတည်းက PDF(ကလေး)မှ ဆရာဝန်များနှင့်ပူးတွဲ၍ ဒဏ်ရာရရဲဘော်များကို ခွဲစိတ်ကုသပေးခြင်း၊ ကလေးမီးဖွားပေးခြင်းနှင့်ပြည်သူများကို ကျန်းမာရေးစောင့်ရှောက်မှုများ ဝန်ဆောင်မှုပေးနေခြင်းဖြစ်သည်။

တော်လှန်ရေးအောင်မြင်မှု၏အသီးအပွင့်တစ်ခုဖြစ်ပြီးစစ်ကောင်စီကြောင့် ပျက်စီးနေသည့်ပြည်သူများအတွက်အခြေခံကျန်းမာရေးကို အစားထိုးတာဝန်ယူခြင်းဟု ကြားကာလချင်းအမျိုးသားအတိုင်ပင်ခံကောင်စီ(ICNCC)က ​ဆောင်ဒွန်းဆေးရုံဖွင့်ပွဲသို့​ပေးပို့​သော သဝဏ်လွှာတွင်​ဖော်ပြထားသည်။

(​ဆောင်ဒွန်း​ဆေးရုံဖွင့်ပွဲအခမ်းအနားပြုလုပ်စဥ်။ ဓါတ်ပုံ-CNO)
(​ဆောင်ဒွန်း​ဆေးရုံဖွင့်ပွဲအခမ်းအနားပြုလုပ်စဥ်။ ဓါတ်ပုံ-CNO)

အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနကလည်း အဆိုပါဆေးရုံသည် စစ်ကောင်စီကြောင့် ဆုတ်ယုတ်ယိုယွင်းလျက်ရှိသော ပြည်သူ့ကျန်းမာရေးစောက်ရှောက်မှုလုပ်ငန်းကို ပြန်လည်ထူထောင်ရာတွင် တစ်တပ်တစ်အားဖြစ်စေသည်ဟု သဝဏ်လွှာပေးပို့ခဲ့သည်။

ဖွင့်ပွဲသို့ CDFစစ်ဦးစီးချုပ် ဆလိုင်းပီတာထန်း ဦးဆောင်၍ ချင်းအမျိုးသားအလံအလေးပြုခြင်း၊ ကျဆုံးအာဇာနည်ရဲ‌ဘော်များအား အလေးပြုခြင်း၊ ချင်းအမျိုးသားသီချင်းသီဆိုကာ ဒေသခံဆရာတော်မှ ဆုတောင်းခြင်းဖြင့် အခမ်းအနားစတင်ခဲ့သည်။

ထိုအတူ CNO အထွေထွေအတွင်းရေးမှူး ဆလိုင်းဝီလျံချင်းက အဖွင့်အမှာစကားပြောကြားခဲ့သည်။ ထိုအတူPDF(ကလေး) စစ်ဦးစီးချုပ်ကလည်း အမှာစကားပြောကြားခဲ့သည်ဟု CNOက ထုတ်ပြန်ထားသည်။

You May Also Like

သတင်း

ယမန်နေ့တွင် စစ်ကောင်စီတပ်က စစ်သုံးရဟတ် ယာဉ်ဖြင့် စားနပ်ရိက္ခာနှင့် လက်နက်များပို့ဆောင်လာကြောင်း၊ နိုဝင်ဘာ ၁၉ရက်ကလည်း အဆိုပါ တပ်စခန်းသို့ ရဟတ်ယာဉ်ဖြင့် စစ်အင်အား ဖြည့်တင်းခဲ့ကြောင်း CNDF၏ မိခင်အဖွဲ့အစည်း ချင်းအမျိုးသားအဖွဲ့ချုပ်(CNO)က ထုတ်ပြန်ထားသည်။

သတင်း

စစ်ကောင်စီတပ်က လေကြောင်းအင်အား အလုံးအရင်း အသုံးပြုတုံ့ပြန်လာသော်လည်း စခန်းသိမ်းပိုက်နိုင်ရေး ဆက်လက်ကြိုးပမ်းမည်ဖြစ်ကြောင်း ၎င်းက ဆိုသည်။

သတင်း

ညောင်ကုန်းဂိတ်ရှိ BGF တပ်ဖွဲ့ဝင်များသည် ဒေသခံပြည်သူများအား ခေါ်ယူခြိမ်းခြောက်ခြင်း၊ လက်နက်ကြီးလက်နက်ငယ်များဖြင့် ရမ်းသမ်းပစ်ခတ်ခြင်းများ စသည့် လူ့အခွင့်အရေးချိုးဖောက်မှုများ နေ့စဉ်လိုလို မကြာခဏ ကျူးလွန်လေ့ရှိသည်ဟု ကေအဲန်ယူ၏ ထုတ်ပြန်ချက်အရ သိရသည်။

သတင်း

လုပ်သက်(၄)နှစ်ခွဲရှိပြီးဖြစ်သော အသက်(၂၅)နှစ်အရွယ် အလင်းဝင်လာသည့် ရဲတပ်သားမန်ဆွမ်သည် နိုဝင်ဘာ ၁ရက်က CDF CDM Siyin ထံ ရောက်ရှိလာခြင်းဟု ဆိုသည်။