ပြည်သူ့ကာကွယ်ရေးတပ်ဖွဲ့များနှင့် စစ်ကောင်စီတပ်၊ ပျူစောထီးများ ယနေ့ ထိတွေ့တိုက်ပွဲ ဖြစ်ပွားရာစစ်ကောင်စီဘက်မှ ၁၀ ဦး သေဆုံးခဲ့ကြောင်း NUG ကာကွယ်ရေးဝန်ကြီးဌာနက သတင်းထုတ်ပြန်သည်။
စစ်ကိုင်းတိုင်း ကန့်ဘလူမြို့နယ် မှော်တော်ကျေးရွာမှ ထွက်လာသော စစ်ကောင်စီ တပ်သားနှင့်ပျူစောထီးများကို ပြည်သူ့ကာကွယ်ရေးတပ်မတော်(ရွှေဘိုခရိုင်)တပ်ရင်း(၁၆) က Drone ဖြင့်ဗုံးကြဲတိုက်ခိုက်ခဲ့ရာ ပျူစောထီး ၃ ဦး ထိခိုက်ဒဏ်ရာ ရရှိခဲ့ပြီး ၁ ဦးပြင်းထန်ဒဏ်ရာရရှိခဲ့သည်ဟု ဆိုသည်။
ထို့အပြင် ထီးချိုင့်မြို့နယ်၊ ရေဖြူလွင်ကျေးရွာအနီးတွင် ပြည်သူ့ကာကွယ်ရေးတပ်မတော်(ကသာခရိုင်)တပ်ရင်းများ/ ပြည်သူ့ကာကွယ်ရေးအဖွဲ့(ထီးချိုင့်) စသည့် ပြည်သူ့ကာကွယ်ရေးတပ်သားများနှင့် စကစတပ်သား၊ပျူစောထီးတပ်သားများအကြား ထိတွေ့တိုက်ပွဲဖြစ်ပွားခဲ့ရာသား ၁၀ ဦးသေဆုံးခဲ့ကြောင်း ထုတ်ပြန်သည်။
အဆိုပါ ထိတွေ့တိုက်ပွဲတွင် ပြည်သူ့ကာကွယ်ရေးတပ်ဖွဲ့ဘက်မှလည်း တပ်သား ၂ ဦးထိခိုက်ဒဏ်ရာရရှိခဲ့သည်ဟု ဆိုသည်။
Public Service Announcement
အကြမ်းဖက်စစ်ကောင်စီတပ်သားများသည် ရေဖြူလွင်ကျေးရွာသို့ ဝင်ရောက်ခဲ့ပြီး ပြည်သူပိုင်နေအိမ်များကို မီးရှို့ဖျက်ဆီးခဲ့ကြောင်း ကာကွယ်ရေးဝန်ကြီးဌာနက ထုတ်ပြန်သည်။
